ކޮވިޑް 19 އާ ގުޅިގެން ސްކޫލުތަކުގެ އިތުރު ހަރަކާތްތަށް މެދުކަނޑާލުމަށް އެޑިޔުކޭޝަން މިނިސްޓްރީން ސްކޫލުތަކަށް އަންގައިފިއެވެ.
އެ މިނިސްޓްރީން މިއަދު ކުރި އިއުލާނެއްގައި ބުނީ މިއަދުން ދެށިގެން އަންނަ މާޗް މޭ މަހުގެ 20 ވަނަ ދުވަހާއި ހަމައަށް ސްކޫލުތަކުގެ އިތުރު ހަރަކާތްތަށް މަޑުޖައްސާލާފައިވާ ކަމަށެވެ.
އަދި ދުނިޔޭގެ ބައެއް ގައުމުތަކުގައި ފެތުރެމުންދާ ކޮވިޑް 19 ނުވަތަ ކޮރޯނާ ވައިސް ރާއްޖެއަށް އަމުގެ ފުރުސަތު ކުޑަ ކަމަށާއި އެ ބަލި ރާއްޖެއިން ފެނިއްޖެ ނަމަ ބަލި ފެތުރުން ކޮންޓަރޯލް ކުރުމަށާއި މި ދުވަސްވަރު ފެތުރެމުންދާ ހިމަބިލި ރާއްޖެއިންފެނި ބައެއް ދަރިވަރުން ހިމަބިއްސަަށް ޕޮޒިޓިވް ވެފައިވާތީ އެކަން ކޮންޓްރޯލް ކުރުމަށް ސަރުކާރުން ގިނަ މަސައްކަތްތަކެއް ކުރަމުންދާ ކަމަށެވެ.
ނަމަވެސް ހިމަބިހި ފެތުރެމުންދާތީ ކޮވިޑް 19 ރާއްޖެއަށް އަތުވެދާނެ ކަމުގެ ބިރު އޮތުމުގެ ސަބަބުން ދަރިވަރުން އެ ބަލިން ރައްކާތެރި ކުރުމަށް ދުރާލާ ފިޔަވަޅު އެޅުމުގެ ގޮތުން އެޗްޕީއޭގެ ކޮވިޑް 19 ޓިމާއި މީސެލްސް ޓީމުން ވަނީ އިތުރު ހަރަކާތްތަށް މަޑުޖައްސާލަން ހަމަޖައްސާފައި ކަމަށެވެ.
އެޗްޕީއޭގެ ޓެކްނިކަލް މަޝްވަތާއަށްފަހު ދަރިވަރުންގެ އިތުރު ހަރަކާތްތަށް ކުރިއަށްދާނެ ގޮތް އެ މިނިސްޓްރީން ސްކޫލުތަކާއި ހިއްސާކުރާނެ ކަމަށްވެސް އެޑިއުކޭޝަނުން ބުނެއެވެ. އަދި ކޮވިޑް 19 ގެ ސަބަބުން ސްކޫލުތަށް ބަންދުކުރަން ޖެހިއްޖެ ނަމަ އެކަން ސްކޫލުތަކަށް އަންގާނެ ކަމަށްވެސް އެ މިނިސްޓްރީން ބުނެއެވެ.
މަޑުޖައްސާލުމަށް ހަމަޖެހިފައިވާ ބައެއް ހަރަކާތްތަށް:
- އަމަލީ ދަތުރުތަކާއި ކުޅިވަރު މުބާރަތްތަކާއި ޕްރެކްޓިސްތަށް
- ގިނަ ދަރިވަރުން ބައިވެރިވެގެން ބާއްވާ ހަރަކާތްތަށް
- އިގުތިމާއީ ހަރަކާތްތަކާއި ހިލޭސަބަހަށް މަސައްކަތްކުރުމަށް ރާވާފައިވާ ކަންތަށްތަށް
- ސްކޫލް ފެއާ
- ކޮންސެޓް
- ސްކޫލް ތަކުގެ އެކްޓިވިޓީ ކަރިކިއުލަމްގައި މާޗް، އޭޕްރީލް އަދި މޭމަހު ބާއްވަން ހަމަޖެހިފައި ހުރި ހަރަކާތްތަށް
- ސްކޫލުން ބޭރުގައި ޔުނޯފޯމުގައި ހިންގާ ހަރަކާތްތަށް
ހަލުވި ކަމާއެކު ފެތުރޭ ކޮރޯނާ ވައިރަސް އެންމެ ބޮޑަށް ފެތުރިފައިވާ ގައުމަކީ ޗައިނާއަށް ވީ އިރު މިހާތަނަށް 2934 މީހުން މި ބަލީގައި ވަނީ މަރުވެފައި ވެއެވެ. ކޮރޯނާ ވައިރަސް ފެތުރެމުން ދިއުމާ ގުޅިގެން ދިވެހި ސަރުކާރުން ވަނީ ރާއްޖެއާއި ޗައިނާއާ ދެމެދު ޑައިރެކްޓް ފްލައިޓްތައް ހުއްޓާލާފައެވެ. ނަމަވެސް، ޓްރާންސިޓް ފްލައިޓުގައި އަދިވެސް ޗައިނާ ފަތުރުވެރިން ރާއްޖެ އާދެއެވެ.
