ގދ. ތިނަދޫގައި ވަލުތެރޭގައި އަލިފާން ރޯވެ އަނދަމުންދާ ކަމަށް އެމްއެންޑީއެފުން ބުނެފިއެވެ.
އެމްއެންޑީއެފުން ބުނީ ތިނަދޫގައި ހިނގައިގެން އުޅޭ އަލިފާނުގެ ހާދިސާ އެމްއެންޑީއެފްއަށް ރިޕޯޓުކޮށްފައި ވަނީ މިއަދު 13:57 އެހާކަން ހާއިރު ކަމަށެވެ.
ދަނޑު ކޮނޑޭއަވަށު ވަލުތެރޭގައި އަލިފާން ރޯވެގެން އެމްއެންޑީއެފް ސައުތު އޭރިޔާ ތިނަދޫ ފަޔާ ސްޓޭޝަންގެ ސިފައިން ހަރަކާތްތެރި ވަމުންދާކަމަށްވެސް އެމްއެންޑީއެފުން ބުނެއެވެ.
ފޮޓޯ އިން ފެންނަ ގޮތުގައި ރޯވެފައިވަނީ ވިނަ އާއި ކުދި ގަސްތަކެއް ހުރި ސަރަހައްދެއްގައެވެ. އަދި ކޮންމެވެސް ވަރަކަށް ރުއްވެސް އެ ސަރަހައްދުގައި ހުރިކަން ފާހަގަ ވެއެވެ. އަލިފާން ނިއްވުމުގެ މަސައްކަތް އެމްއެންޑީއެފް އިން ކުރަމުންދާއިރު އަދިވެސް ކޮންމެވެސް ވަރަކަށް އަލިފާނުގެ އަސަރު އެ ސަރަހައްދުގައި އެބަހުއްޓެވެ. އަދި އެ ސަރަހައްދުން ދަނީ ދުން އަރަމުންނެވެ.
