ރ. އުނގޫފާރު މިސްކިތެއްގެ ހައިރާތު ފޮށި ފަޅާލައިފިއެވެ.
ފުލުހުން ބުނީ މިއަދު ހަވީރު 5:10 ހާއިރު އުނގޫފާރުގައި ހުންނަ "މަސްޖިދުލް ތަގްވާ" މިސްކިތުގެ ފަންޑު ފޮށި ހަލާކުކޮށްލައިގެން ފަންޑު ފޮށިން ވައްކަން ކޮށްފައިވާ މައްސަލައެއް ފުލުހުންނަށް ހުށަހަޅާފައިވާ ކަމަށެވެ.
ފުލުހުން ބުނީ މިހާތަނަށް ބެލިބެލުމުގެ އެ ފޮށިން އެއްވެސް ފައިސާއެއް ގެއްލިފައިނުވާ ކަމަށެވެ.
އެ މައްސަލައިގައި މީހަކު މިހާތަނަށް ހައްޔަރު ކޮށްފައި ނުވާ ކަމަށާއި ނަމަވެސް އެ މައްސަލަ ތަހުގީގު ކުރަމުން ދާ ކަމަށް ފުލުހުން ބުނެއެވެ.
މިފަހަކަށް އައިސް ރާއްޖޭގައި ވައްކަމާއި ފޭރުން ދަނީ ދުވަހެއް ދުވަހަކަށް އިތުރު ވަމުންނެވެ.
