ގއ ގެމަނަފުށި ކުނިގޮނޑުގައި ބަޔަކު ރޯކޮށްލި އަލިފާންގަނޑު ކޮންޓްރޯލް ނުކުރެވޭކަމަށް ފުލުހުން ބުނެފިއެވެ.
ފުލުހުން ބުނީ ގެމަނަފުށީ ކުނިގޮނޑިގައި ބަޔަކު އަލިފާން ރޯކޮށްލާފައިވާ ކަމަށް މިއަދު ހަވީރު 5:30 ހާއިރު ފުލުހުންނަށް މައުލޫމާތު ލިބިފައިވާކަމަށެވެ.
އަދި އަލިފާން ރޯކޮށްލުމުގެ ސަބަބުން އަނދަމުންދާ ކަމަށާއި އެ ރަށުގެ ކައުންސިލާއި އާންމުން ގުޅިގެން އަލިފާން ނިއްވުމުގެ މަސައްކަތް ކުރަމުން ދާ ކަމަށްވެސް ފުލުހުން ބުނެއެވެ.
އަލީފާނުގެ ހާދިސާތަށް މި ފަހަކަށް އައިސް ގިނަވެފައިވާކަން ފާހަގަ ކުރެވެއެވެ. އެގޮތުން މިރޭ މާލޭގެ ގެއެެއްގެ ކޮޓަރިއެއްގައި ހުރި ކަރަންޓް ބޯޑެއްގައި އަލިފާން ރޯވެ، އެ އަލިފާނުގެ އަސަރު ދޮންނަ މެޝިނަކަށް ކޮށްފައި ވާއިރު ލާން ގެންގުޅޭ ބައެއް އަންނައުނު އަނދާފައިވާ ކަމަށްވެސް އެމްއެންޑީއެފުން ބުނެއެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައިވާމުގެ މައުޅުމާތެއް ނުލިބެއެވެ.
