ރައީސް އަބްދުﷲ ޔާމީންގެ ފަސް އަހަރުގެ ވެރިކަމުގައި ގިނަ ގޮންޖެހުންތަކަކާ ކުމަތިލައްވަން ޖެހިވަޑައިގެންނެވި ނަމަވެސް ވެރިކަމުގައި ސާބިތުވެ ހުންނެވިކަމަށާއި އިސްތިއުފާ ނުދެއްވާ ކަމަށް ޑރ. މުހައްމަދު ޖަމީލް އަހުމަދު ވިދާޅުވެއްޖެއެވެ.
'ދަ ޕްރެސް' އަށް މައުލޫމާތު ދެއްވަމުން ކުރީގެ ރައީސް ޔާމީންގެ ވެރިކަމުގައި ނައިބު ރައީސްކަން ކުރެއްވި އަދި ޔާމީންގެ ވަކީލުންގެ ޓީމުގައި ވެސް ހިމެނިވަޑައިގަންނަވާ ޑރ. ޖަމީލު ވިދާޅުވީ، ރާއްޖޭގައި ވެރިކަން ކުރި އެއްވެސް ވެރިއަކަށް ކުރިމަތިލައްވަން ޖެވިޑައިނުގަންނަވާ މިންވަރަށް ރައީސް ޔާމީންގެ ވެރިކަމުގައި ބޭރުގެ ނުފޫޒު އޮތް ކަމަށެވެ. އަދި އެމަނިކުފާނުގެ ވެރިކަމުގައި ގައުމުގެ ސިޔާސީ ހުރިހާ ޕާޓީތަކާއި ސިޔާސީ ހުރިހާ ލީޑަރުން ތިއްބެވީ އިދިކޮޅު ބައެއްގެ ގޮތުގައި ކަމަށް ޖަމީލު ވިދާޅުވިއެވެ.
ހަމައެއާއެކު ވެރިކަމުގެ ދައުރުގެ ފަހު ވަގުތުގައި ސަރުކާރުގެ މުއައްސަސާތައް ވެސް އެމަނިކުފާނާ އިދިކޮޅަށް އެނބުރިގަތް ކަމަށާއި ރައްޔިތުންގެ މަޖިލީހުގެ ތެރެއިންވެސް ބޮޑެތި ގޮންޖެހުން ތަކެއް ކުރިމަތިވި ކަމަށް ޖަމީލު ވިދާޅުވިއެވެ. އެ ހުރިހާ ގޮންޖެހުން ތަކެއް ކުރިމަތިވެވަޑައިގެންނެވި ނަމަވެސް ސާބިތުކަމާ އެކު ވެރިކަމުގެ 5 އަހަރުގެ ދައުރު އެމަނިކުފާނު ފުރިހަމަ ކުރެއްވި ކަމަށް ޖަމީލު ވިދާޅުވިއެވެ.
ރައީސް ނަޝީދުގެ ވެރިކަމަށް އިޝާރާތް ކުރައްވަމުން ޖަމީލު ވިދާޅުވި، ގައުމެއްގެ ވެރިކަމާ ހަވާލުވުމަކީ ބިޔަ އަދި ބޮޑު މަސްއޫލިއްޔަތެއް ކަން އެނގިވަޑައިގަންނަވަން ޖެހޭ ކަމަށާ، ވެރިކަމުގައި ގިނަވާނީ މާޔޫސްކަމާއި، ނުތަނަވަސްކަމާއި، ހާސްކަމާ ކުރިމަތިލައްވަން ޖެހޭ ވަގުތުތައް ކަމަށް ޖަމީލު ފާހަގަ ކުރެއްވިއެވެ.
މީގެ އިތުރުން ޖަމީލު ވިދާޅުވީ، ވެރިކަމުގައި ހުންނަވާ ބޭފުޅެއްގެ އަތްޕުޅުގައި ހުރިހާ ބާރެއް އޮންނަން ނުޖެހުނު ނަމަވެސް އެ ހުރިހާ ބާރެއް ވެރިކަމުގައި ހުންނަވާ ފަރާތުގެ އަތްޕުޅުގައި އޮވެ ދެތިން ތަނަކުން މީހުން ނުކުތުމުން ވެރިކަން ދޫކޮށްލައްވަން ޖެހިވަޑައި ނުގަންނަވާ ކަމަށެވެ. އަސްލު ލީޑާޝިޕްއަކީ ވެރިކަމުގައި ހުންނަވާއިރު ކުރިމަތިވެވަޑައިގަންނަވާ ހާސްކަމުގެ ވަގުތު ތަކުގައި ސާބިތުކަން ދެއްކެވުން ކަމަށް ޖަމީލު ވިދާޅުވިއެވެ. އޭނާ އެހެން ވިދަޅުވީ، ރައީސް ނަޝީދު ވެރިކަން ދޫކޮށްލެވި ހާދިސާއަށް އިޝާރާތް ކުރައްވަމުންނެވެ.
ކުރީގެ ރައީސް ޔާމީން ގެންދަވަނީ 5 އަހަރު ދުވަހުގެ ޖަލު ހުކުމެއް ތަންފީޒު ކުރައްވަމުންނެވެ. މަނީ ލޯންޑަރިންގެ މައްސަލައިގައި ޔާމީނަށް ހުކުމް ކޮށްފައިވަނީ މިދިޔަ ނޮވެމްބަރު މަހުގެ 28 ވަނަ ދުވަހުގައެވެ.
އިސްތިއުފާ ދިނުމަށް ބަޔަކު ބިރުދެއްކި ނަމަތާ އެ ކަން އެނގުނީސް ގެޔައް ވަދެ ދަރިންގައިގަ ތަޅާ އަނބިމީހާ ގަޔަށް އަތްލި ނަމަތާ ތިހުރި ހިތްވަރެއް ވެސް އެނގޭނީ