ދޯންޏަކާއި، ޑިންގީއެއް ޖެހި ހިނގި އެކްސިޑެންޓެއްގައި މީހަކު ގެއްލުނު މީހާ އަދިވެސް ފެނިފައި ނުވާ ކަމަށް އެމްއެންޑީއެފްއިން ބުނެފިއެވެ.
އެ މީހާ ހޯދުމަށް އެމްއެންޑީއެފްއިން ކުރަމުންދާ މަސައްކަތާއި ގުޅޭގޮތުން އެމްއެންޑީއެފުން ބުނީ، ގެއްލިގެން ހޯދަމުން އަންނަ މީހާ ނުފެންނަ ކަމަށާއި އަޑިއަށްދިޔަ ޑިންގީވެސް އަދި ފެނިފައި ނުވާ ކަމަށެވެ.
އެމީހާ ހޯދުމަށް ކޯސްޓުގާޑު ޝަހީދު އަލީ ހަރަކާތްތެރިވާއިރު ގިނަ އަދަދެއްގެ ޑައިވަރުންނާއި އެކު ޑައިވިން ރޮބަޓު ވެސް އަންނަނީ ބޭނުން ކުރަމުންނެވެ. އަދި ވައިގެ މަގުން އެމީހާ ހޯދުމުގައި އެމްއެންޑީއެފްގެ ހެލިކޮޕްޓަރުވެސްދަނީ ހަރަކާތްތެރިވަމުން ނެވެ.
އެމްއެންޑީއެފުން ބުނެފައިވަނީ ރޭ 07:07 ހާއިރު ދޮންފަނު ކައިރީގައި ލޯންޗަކާއި ޑިންގީއެއް ޖެހި ހިނގި އެކްސިޑެންޓްގައި ބ. އޭދަފުށީ، މުސްތަރީގެ 41 އަހަރުގެ ނަސްރުއްﷲ އަބްދުﷲ ކަނޑަށް ގެއްލިފައިވާކަމަށެވެ.
