ނުރަސްމީ ދަތުރުފުޅެއްގައު ރައީސް ސޯލިހު ލަންކާއަށް މިއަދު ފުރާވަޑައިގެންފި އެވެ.
ރައީސް އޮފީހުން މައުލޫމަތުދޭ ގޮތުަގައި ރައީސް މި ދަތުރުފުޅު ނިންމަވާލެއްވުމަށްފަހު އެނބުރި މާލެ ވަޑައިގެންނެވުމަށް ހަމަޖެހިފައިވަނީ މިފެށޭ 2020 ވަނަ އަހަރުގެ ޖަނަވަރީ މަހުގެ 4 ވަނަ ދުވަހު ކަމަށެވެ. އެނގިފައިވާ ގޮތުގައި ރައީސް ކުރައްވާ މި ނުރަސްމީ ދަތުރުފުޅަކީ އަހަރީ ޗުއްޓީ ހޭދަކޮށްލެއްވުމަށް ލަންކާއަށް ކުރައްވާ ދަތުރުފުޅެކެވެ.
ރައީސްގެ އާއިލާގެ ބައެއް ބޭފުޅުން ދިރިއުޅުއްވަމުން ގެންދަވަނީ ލަންކާގައެވެ. މި އަހަރުގެ ކުރީކޮޅުވެސް ރައީސް ވަނީ ލަންކާ އަށް ނުރަސްމީ ދަތުރުފުތަކެއް ކުރައްވާފައެވެ.
ވެރިކަމާ ހަވާލުވެވަޑައިގަތް ފަހުން ލަންކާގެ މިނިވަން ދުވަސް ފާހަގަކުރުމަށް ބޭއްވި ރަސްމިއްޔާތުގައި ބައިވެރިވެ ވަޑައިގަތުމަށް ކުރީގެ ބޮޑު ވަޒީރު ރަނިލް ވިކްރަމަސިންހަގެ ދައުވަތަކަށް ރައީސް ސޯލިހު އެ ގައުމަށް ދަތުރުފުޅެއް ކުރެއްވިއެވެ. އެ ދަތުރުފުޅުގައި ރައީސް ސޯލިހު ވަނީ ލަންކާގައި ދިރިއުޅެމުންދާ ދިވެހިންނާވެސް ބައްދަލު ކުރައްވާފައެވެ.
ނިއު އިޔާ އަށް ނާޗަރަންގީ ކުޅެން އެދިޔައީ