ގއ. މަރަންދޫ ކައިރިން 13 މީހުންނާއެކު ދަތުރުކުރަމުން ދިޔަ މަސްދޯންޏަކަށް ހޮނު އަޅައި ދެމީހަކަށް އަނިޔާވެއްޖެއެވެ.
ފުލުހުން ބުނީ މަރަންދޫ ކައިރިން 13 މީހުންނާއެކު ދަތުރު ކުރަމުންދިޔަ ދޯންޏަކަށް ހޮނު އެޅިކަމުގެ ރިޕޯޓް ލިބިފައިވަނީ ރޭ ދަންވަރު 12:55 ހާއިރު ކަމަށެވެ.
އެ ހާދިސާގައި ދޯނީގައި ތިބި ދެމީހަކަށް އެކިވަރުގެ އަނިޔާ ލިބުމާ ގުޅިގެން އެ ދެމީހުންނަށް ކޮލަމާފުށި ސިއްހީ މަރުކަޒުގައި ފަރުވާދީފައިވާ ކަމަށެވެ. އެއްވެސް މީހަކަށް ސީރިއަސް އަނިޔާއެއް ލިބިފައިނުވާ ކަމަށް ފުލުހުން ބުންޏެވެ.
ފުލުހުން ބުނީ ކޮލަމާފުށި ދޯންޏެއްގައި ފުލުހުން އެސަރަހައްދަށް ގޮސް ހޮނުއެޅި ދޯނި ކަފު ޖަހައިގެން ކޮލަމާފުއްޓަށް ގެންދިޔައީ ރޭ ދަންވަރު 3:05 ހާއިރު ކަމަށެވެ. އެ ހާދިސާގައި ދޯނީގެ ވީލްހައުސް އާއި ކަރަންޓް ސާމާނުތަކަށް އެކިވަރުގެ ގެއްލުން ލިބިފައިވާ ކަމަށް ފުލުހުން ބުނެއެވެ..
