ދިވެހިރާއްޖޭގެ އެންމެ ބޮޑު މުވާސަލާތީ އެއް ކުންފުނި ދިރާގުން ދެމުން ގެންދާ އިންޓަނެޓް ގެ ހިދުމަތް ރަނަގަޅުވެ ހިދުމަތް ދޭންފަށައިފިއެވެ.
"ދަ ޕްރެސް" އަށް މައުލޫމާތު ދެމުން ދިރާގުން ބުނީ، ރާއްޖޭގެ އެކި ސަރަހައްދުތަކަށް ދިރާގު އިންޓަނެޓް ލިބުމުގައި ދިމާވެފައިވާ ދަތިތަކަށް ހައްލު ލިބިފައި ވާކަމަށާއި ރޭ ދަންވަރު 3 ޖަހާކަން ހާއިރު އެ މައްސަލަ ރަނގަޅު ކޮށް ހިދުމަތް ދޭން ފަށައިފާ ވާ ކަމަށެވެ.
ރޭ ދަންވަރު 12:00 ހާއިރު ދިރާގުގެ އިންޓަނެޓުގެ ހިދުމަތްތަކަށް ބުރޫ އެރި ނަމަވެސް، ހިދުމަތް މެދު ކެނޑުނު ސަބަބު ހާމަކޮށްފައެއް ނުވެއެވެ.
ދިރާގުން ބުނީ ދިމާވި ޓެކްނިކަލް މައްސަލައިގެ ސަބަބުން ކަސްޓަމަރުންނަށް ދިމާވި ދަތިތަކަށް އެކުންފުނިން މައާފަށް އެދޭ ކަމަށެވެ. އަދި މިފަދަ ދަނޑިވަޅުތަކުގައި ކަސްޓަމަރުންގެ ކެތްތެރިކަމަށް އެ ކުންފުނިން ވަނީ ޝުކުރު އަދާކޮށްފައެވެ.
ދިރާގަކީ ރާއްޖޭގައި އެންމެ ފުރަތަމަ ފެށި މޮބައިލް އޮޕަރޭޓަރެވެ.
