މާލޭ ބޮޑުތަކުރުފާނު މަގުގައި ހުންނަ މަނީ އެކްސްޗޭންޖު ގެ ބިއްލޫރިގަނޑު ތަޅާލައިފިއެވެ.
ފުލުހުން ބުނީ، ސައިކަލެއްގައި ދިޔަ ދެ މީހަކު މަނީ އެކްސްޗޭންޖު ގެ ބިއްލޫރިގަނޑު ތަޅާލައި ގެއްލުން ދީފައިވާ މައްސަލައެއް ރޭ ދަންވަރު 02:28 ހާއިރު ފުލުހުންނަށް ހުށަހަޅާފައި ވާކަމަށެވެ.
މި މަނީ އެކްޗޭންޖަކީ އާޓިފިޝަލް ބީޗު ސަރަހައްދުގައި ހުންނަ ބޭންކް އޮފް މޯލަޑިވްސް ގެ ޑޮލާ އޭޓީއެމް އާއި ޖެހިގެން ހުންނަ ތަނެވެ.
މި މައްސަލައިގައި މިހާތަނަނަށް މީހާކު ހައްޔަރު ކޮށްފައެއް ނުވެއެވެ. ނަމަވެސް މި މައްސަލަ ދަނީ ފުލުހުން ތަހުގީގު ކުރަމުންނެވެ.
މިފަހަކަށް އައިސް ރާއްޖޭގައި ވައްކަމާއި ފޭރުން ދަނީ ދުވަހެއް ދުވަހަކަށް އިތުރު ވަމުންނެވެ. އެގޮތުން، މިދިޔަ އޮގަސްޓް މަހު 16 ވަނަ ދުވަހު ކަރަންކާ މަގުގައި ހުރި ފިހާރައެއްގެ ބިއްލޫރިގަނޑު ތަޅާލައިގެން އެ ފިހާރައިން ވައްކަން ކުރަން އުޅޭ ކަމަށް ފުލުހުންނަށް ރިޕޯޓް ކޮށްފައިވެއެވެ. އެކަން ފުލުހުންނަށް ރިޕޯޓްކުރުމާއި ގުޅިގެން، ފުލުހުން އެ ސަރަހައްދަށް ދިޔައިރު، 4 މީހަކު ދުވެފައި ދަނިކޮށް، ފެނިގެން އެމީހުން ފަހަތުން ގޮސް ހުއްޓުވާފައިވާ ފުލުހުން ވަނީ ހައްޔަރުކޮށްފައެވެ.
