އަންހެނަކު ގެއްލިގެން ފުލުހުން ހޯދަމުންދާތާ ފަސް ދުވަސް ފަހުން ފެނިއްޖެއެވެ.
"ދަ ޕްރެސް" އަށް މައުލޫމާތު ދެމުން ފުލުހުން ބުނީ، ގެއްލިގެން ހޯދަން އިއްޔެ އިއުލާން ކުރި އައިމިނަތު ނަޝާ ނާޝިދު ފެނިފައި ވާ ކަމަށެވެ. ނަޝާ ފެނުނީ އިއްޔެ ކަމަށާ އޭނާ ފެނުނީ ހޯދަން އިއުލާނުކުރި ފަހުން ކަމަށެވެ. އަދި ނަޝާ ފެނުނު އިރު ހާލު ރަނގަޅު ކަމަށާއި އޭނާއަށް އެއްވެސް އަނިޔާއެއް ލިބިފައި ނުވާ ކަމަށް ވެސް ފުލުހުން ބުނެއެވެ. ނަމަވެސް މި މައްސަލަ އާއި ގުޅޭ އިތުރު މައުލޫމާތެއް ފުލުހުން ހާމައެއް ނުކުރެއެވެ.
ގެއްލިގެން ހޯދަން އިއްޔެ އިއުލާނު ކޮށްފައި ވަނީ އުމުރުން 23 އަހަރުގެ އައިމިނަތު ނަޝާ ނާޝިދު، ހ. ލާމިޔާއެވެ. ނަޝާ ގެއްލިގެން ފުލުހުންނަށް ގެއްލިގެން ރިޕޯޓު ކޮށްފައި ވަނީ މިދިޔަ ބުދަ ދުވަހުގެ ދަންވަރު 1:30 ކަން ހާއިރެވެ.
