މާލޭގައި ދިރިއުޅޭ އަންހެނަކު ގެއްލިގެން ފުލުހުން ހޯދަން ފަށައިފިއެވެ.
ފުލުހުން ބުނީ، ގެއްލިގެން ހޯދަމުން ދަނީ، އުމުރުން 23 އަހަރުގެ އައިމިނަތު ނަޝާ ނާޝިދު، ހ. ލާމިޔާ ކަމަށެވެ.
މީގެ އިތުރުން ފުލުހުން ބުނީ ގޮތުގައި އެ އަންހެން މީހާ ގެއްލިގެން ރިޕޯޓު ކޮށްފައި ވަނީ މިދިޔަ ބުދަ ދުވަހުގެ ދަންވަރު 1:30 ކަން ހާއިރު ކަމަށެވެ. ނަމަވެސް މި އަަންހެން މީހާއާ ބެހޭ އިތުރު މައުލޫމާތެއް ފުލުހުން ހިއްސާކޮށްފައެއް ނުވެއެވެ.
ނަޝާއާ ބެހޭ އެއްވެސް މައުލޫމާތެއް ލިބިފައިވާ ނަމަ ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުގެ ނަންބަރު 9631696 އަށް ގުޅަން ފުލުހުން ވަނީ އެދިފައެވެ.
