ޕަބްލިސް ސާވިސް މީޑިއާ (ޕީއެސްއެމް) އިން ދީނީ ޕްރޮގްރާމުތަކާއި ދީނީ ދަރުސްތައް ނުދައްކާ ކަމަށް ބުނެ ބާހަކަ ދައްކާތީ، ޕީއެސްއެމްގެ ޓީވީ ޕްރޮގްރާމް ތަކުގައި ދައްކާނެ އެއްޗަކާއި ނުދައްކާނެ އެއްޗެއް އިނގޭނީ އެޑިޓަރަށް ކަމަށް ޕީއެސްއެމްގެ މެނޭޖިން ޑިރެކްޓަރު އަލީ ހާލިދު ވިދާޅުވެއްޖެއެވެ.
އަލީ ހާލިދު "ދަ ޕްރެސް" އަށް މައުލޫމާތު ދެއްވަމުން ވިދާޅުވީ ޕްރޮގްރާމް ތަކުގައި ދައްކާނެ އެއްޗަކާއި ނުދައްކާނެ އެއްޗެއް އިނގޭނީ އެޑިޓަރަށް ކަމަށާއި، މިހާރުވެސް ޕީއެސްއެމްގެ ޕްރޮގްރާމުތަކަށް ދީނީ އިލްމުވެރިން ވަޑައިގަންނަވާ ކަމަށާއި އެކަން މަނާކުރުމަށް ރައީސް އޮފީހުން އެއްވެސް އެންގުމެއް ނާންގާ ކަމަށެވެ. އަދި އެއްވެސް އިރެއްގައި ޓީވީއެމް އިން ދީނީ ޕްރޮގްރާމުތައް ލައިވްކޮށް ނުގެނެސްދޭނެ ކަމަށާއި ގެނެސްދޭނީ ރޭޑިއޯ އިން ކަމަށްވެސް އަލީ ހާލިދު ވިދާޅުވިއެވެ.
ދައުލަތުގެ މީޑިއާ ޕީއެސްއެމް އަށް ސަރުކާރުން ނުފޫޒުފޯރުވާ ކަމަށް ބުނެ ދެކެވޭ ވާހަކަތަކަށް ރައްދުދެއްވާ ރައީސް އޮފީހުގެ ތަރުޖަމާނު އިބްރާހިމް ހޫދު ރޭ ދަންވަރު ކުރެއްވި ޓްވީޓުގައި އޭނާ ވިދާޅުވީ، ޕީއެސްއެމްގެ ލައިވް ޕްރޮގްރާމްތަކަށް ދީނީ އިލްމުވެރިން ނާރުވަން ރައީސް އޮފީހުން އަންގާފައި ނުވާނެ ކަމަށާއި އެ ވާހަަކަތަކަކީ ހަގީގަތެއް ނެތް ވާހަކަތަކެއް ކަމަށާއި އެފަދަ ކަމެއް ކުރަން ރައީސް އޮފީހުން އިރުޝާދު ދީފައިނުވާނެ ކަމަށެވެ.
ޕީއެސްއެމްގެ ޕްރޮގްރާމްތަކަށް ދީނީ އިލްމުވެރިން އަރުވަން މަނާކޮށްފައިވާ ކަމަށް ބުނެ ބައެއް ނޫސްތަކުން ހަބަރު ފަތުރަމުން ދާއިރު، އެކަމާ ގިނަބަޔަކު ދަނީ ކަންބޮޑުވުން ވެސް ފާޅުކުރަމުންނެވެ.
މި ވާހަކަތައް ދެކެވެމުން މި ދަނީ، އިސްލާމްދީނާއި ރަސޫލާއަށް ފުރައްސާރަކޮށް މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ނެރެފައިވާ ރިޕޯޓާ ގުޅިގެން ދީނީ އިލްމުވެރިން އެ ރިޕޯޓާ ދެކޮޅަށް ވާހަކަތަކެއް ދައްކަމުން އަންނަ ދަނޑިވަޅެއްގައެވެ.
ކަނޑައެޅިގެން ދޮގު. ދީނީ ޕްރޮގްރާމް ލައިވްކޮށްފައި އެބަހުރި.. މައްސަލަ ޖެހިގެން އުޅެނީ އިސްލާމީ ދިރިއުޅުން ކިޔާ ޕްރޮގްރާމެއް، އެއީ އިސްލާމިކް މިނިސްޓްރީން ހަދާ ޕްރޮގްރާމެއް. އެ ޕްރޮގްރާމް ދެއްކުމުގެ ކުރިން ރައީސް އޮފީހުން އެޕްރޫވް ކުރަންވެސް އޮތީ އަންގާފައި.
މިހާރުވެސް ކޮންމެ ބުރާސްފަތި ދުވަހަކު ޢަލީ ޚާލިދުގެ ބައްދަލުވުމެކޭ ކިޔައި އޭނާގެ މަންމަ އުމުރުގެ މީހުން ފޫކޮޅު ފެންނަ ޓީޝާޓު ލައްވައިގެން އަތްވަށް ނެރެ ކުރުވާކަމަކީ ހިންދޫ ދީނުގެ ޔޯގާ ކުރިއަށްގެންދިއުން. މިކަމާ މުވައްޒަފުން ތިބެނީ ޢަލީގެ ލާދީނީކަމުން މާޔޫސްވެފަ. މިކަމަށް ހުރިހާ މުވައްޒަފުން ހެކިވާނެ
މިހާރު އެޑިޓަރުން ބޮލަށް އެ ކަނޑައިލީ. ސީދާ އަލީ ޚާލިދު ބޭނުންވާގޮތަށް ޕްރޮގްރާމްތައް ދައްކަނީ. ހެޗްއޯޑީ މީޓިންގ ތަކުގައި އޭނާ ބުނެފަ އެބަވޭ ދީނީ ޕްރޮގްރާމް ދައްކައިގެން އެއްވެސް ފައިސާއެއް ނުލިބޭނެކަމާއި ބަލާނެ ބަޔަކު ނުހުންނާނެ ކަމަށް. ރައީސް އޮފީހުން އެންގިޔަސް ނޭންގިޔަސް އަލީ ޚާލިދު މިތަނުގައި ދީނީ ޕްރޮގްރާމް ތައް ދެއްކުން މަނާކުރޭ. އާލީ ޚާލިދާއި އެތަނުގެ ޑީއެމްޑީއަކީ ދީނަށް ލޯބިކުރާ ބައެއް ނޫނެވެ. އަޑުގައި ހުރި މިސްކިތްވެސް ތަޅާލަން އުޅެފި. ނަމާދުގަޑިއަށް އަމާޒުކޮށް މީޓިންގތައް ބާއްވާ، އެމީޓިންތަކަށް މުވައްޒަފުން ދަނިކޮށް އެމީހުންގެ ބަޔާން ނަގާ ފިޔަވަޅުއަޅައި، އެތަނުގެ ކައިރީގައި ހުންނަ މިސްކިތުން ބަންގިގޮވާތީ، އެތަނުގެ މުދިމަށް ބަވާނަގައި މިކަންކަމަށް ހެޗްއޯޑީން ހެކިވާނެ
ވަރަށް ޒިންމާދާރުކަން ކުޑަ ވާހަކައެއް ތިދެއްކީ، ސަރުކާރު ބޭނުންވާ އެޑިޓަރު ގެ މައްޗަށް އަމުރު ނެރުމަށްފަހު ދެއްކޭނީ އެޑިޓަރު ބޭނުންވާ އެއްޗެކޭ ބުނެ މީހަކު ހަލާކު ކޮށްލާއިރު ދެން މިޤައުމުގައިތިބީ އެއްވެސް އެއްޗެއް ނުވިސްނޭ ބައެއްކަމަށްތަ ހީކުރަނީ
އަޅުގަނޑު މެން އަތުގަ ހެކި އެބަހުރި އަލީ ޚާލިދު މަގާމަށް ދީން ނުވިއްކާ....
ދައުލަތުގެ މީޑިއާ ޕީއެސްއެމް ގެ ހާލަތު: 1. ލައިވް އެއްވެސް ޕްރޮގްރާމަކަށް ސޭހުން އެރުވުން ވަނީ ރައީސް އޮފީހުން މަނާކޮށްފަ. ދީނީ ލައިވް ޕްރޮގްރާމަތަށް ވަނީ ހުުއްޓާލަން އަންގައި ހުއްޓުވާފަ. ސަބަބަކީ އެމްޑީއެން ރިޕޯޓް ކުއްވެރިކޮށް ވާހަކަ ދައްކަފާނެތީވެ. 2.ދީނީ ޕްރޮގްރާމް ގެނެވޭނީ ކުރިން ރެކޯޑްކޮށް ރައީސް އޮފީހުން ހުއްދަ ދިނުމުންކަމަށްވެސް ރައީސް އޮފީހުން ވަނީ އަންގާފައި. 3.އެމްޑީއެން ރިޕޯޓާ ގުޅިގެން ޢިލްމުވެރިންގެ ގުޅުމުން ބޭއްވި ނިވްސް ކޮންފަރެންސް ލައިވް ކުރަން ގޮސްތިބި ޕީއެސްއެމް ގެ ޓީމަށް ލައިވް ނުކުރަން އަންގައި އަދި އެއްވެސް އެހެން މީޑިއާއަކަށް ލައިވްފީޑް ދީފަ ހުރިތޯ ޗެކްކުރުމަށް ރައީސް އޮފީހުން ޕީއެސްއެމްގެ ޑީއެމްޑީއަށް ވަނީ އަންގާ އެކަން އެގޮތަށް ކުރުވާފައި. 4.ޕީއެސްއެމް އެމްޑީ ގެނައި ޖެނީވާގައި އުޅޭ ދިވެހި އަންހެނަކު ހިއުމަންރައިޓްސްގެ ނަމުގައި މުވައްޒަފުންނަށް ބޭއްވި ސެސަނެއްގައިވަނީ އިސްލާމް ދީނާ ހިލާފް އެތަށް ކަމެއް އެއީ އިންސާނީ ހައްގުތަށް ކަމަށް ބުނެ އެކަން ކަމަކީ ރަނގަޅުކަންކަން ކަމަށް ދޭހަވާ ގޮތަށް ވާހަކަދައްކާފައި މިކަމާ ސްޓަފުން ހިތްހަމަ ނުޖެހުމުން ވަނީ އަވަހަށް ބުރޭކް ނަގައި ދިޔަގޮތަށް އެނބުރި ނައިސްފަ. މިކަމަކީ ވަރަށް ކުއްލިއަކަށް ހަމަޖެހި ކޮންމެ ޑިޕާޓްމެންޓަކުން މަދުވެގެން 5 މީހުން ބައިވެރި ކުރަންޖެހޭނެ ކަމަށާ ހާޒިރީ ބެލޭނެ ކަމަށް ވެސް ޑިޕާޓްމެންޓް ތަކުގެ ވެރިންނަށް އަންގާފައި. 5.ޕީއެސްއެމްގެ ހެޑްއޮފް ޑިޕާޓްމެންޓް ގެ ބައްދަލު ވުމެއްގައި އެމްޑީ ވަނީ ދީނީ ޕްރޮގްރާމް ތަކަކީ މުހިއްމު އެއްޗެއް ނޫންކަމަށް ބަލާނެ މީހުން ނުތިބޭކަމަށާ ސްޕޮންސަ ނުލިބޭކަން ދޭހަވާގޮތަށް ވާހަކަ ދައްކާ.ޕީއެސްއެމް ހުރިހާ ޗެނަލަކުން ހުކުރު،އީދު ނަމާދު ލައިވް ކުރަން ނުޖެހޭކަން އަންގައި އެގޮތަށް އަމަލު ކުރަން ފައްޓާފައި. -މިކަން ދޮގުކުރަންޔާ ދެން ނެރޭނީ މިވާހަކަދެއްކި އޯޑިއޯ