މީގެ ތިން އަހަރު ކުރިން ހިންގި ސިލްސިލާ މާރާމާރީއެއްގައި މަރާލި ދެ ކުދިންގެ ތެރެއިން އުމުރުން 14 އަހަރުގެ ފާތިރު މުހައްމަދުގެ މަރުގެ މައްސަލައިގައި ހޯދަން އިއުލާން ކުރި އިރުފާން ރުޝްދީ ހާލުގައި ޖެހުނު ލޯންޗެއްގައި ހުއްޓާ ހައްޔަރުކޮށްފިއެވެ.
އޭނާ ހައްޔަރު ކޮށްފައި ވާނި ރޭގެ ވަގުތެއްގައި ގދ. ތިނަދޫ އިން ފުރައިގެން މަސްވެރި ކަމަށް ނުކުމެ އުޅުނެނިކޮށް ތެޔޮ ހުސްވެގެން ހާލުގައި ޖެހުނު ލޯންޗުގައި ހުއްޓައެވެ.
އެމްއެންޑީއެފުން ބުނީ، ހަތަރު މީހުންނާއެކު ގދ. ތިނަދޫއިން ފުރައިގެން މަސްވެރި ކަމަށް ނިކުތް 36 ފޫޓުގެ "ބްލޫ ވޭލް" ލޯންޗް ގދ. ކާޑެއްދޫ ބޭރުން ތެޔޮ ހުސްވެ އިންޖީނު ހުއްޓިގެން ރިޕޯޓުކޮށްފައި ވަނީ ރޭ ދަންވަތު 1:08 ހާއިރު ކަމަށް ފުލުހުން މައުލޫމާތު ދެއެވެ. މި ހާދިސާ ހިނގި އިރު ލޯންޗުގައި ތިބީ ތިން ދިވެހިންނާއި ބިދޭސީއެކެވެ.
ފުލުހުން ބުނީ، އެ ލޯންޗަށް ތެޔޮ ފޯރުކޮށް ދީފައިވާ ކަމަށާއި މިހާރު އެ ދޯނި ތިނަދޫއަށް ފަތިހު 4:22 ހުގައި ގެނެވިފައި ވާކަމަށެވެ. މީގެ އިތުރުން ފުލުހުން ބުނީ ފުލުހުންނަށް އެ ލޯންޗުގައި ޝައްކުކުރެވޭ ކަންތައްތަކެއް ވެސް ހުރުމުން، އޭގައި ތިބި ހަތަރު މީހުން ތިނަދޫ ޕޮލިސް ސްޓޭޝަނަށް ގެނެސް ބެލި ބެލުމުން، މީގެ ތެރޭގައި އިރުފާނު ރަޝީދު ހުރިކަން ވަނީ އެނގިފައި ކަމަށެވެ. އަދި އޭނާ ވަނީ ފުލުހުންގެ ބެލުމުގެ ދަށަށް ގެނެސްފައި ކަމަށެވެ.
އެނގިފައިވާ ގޮތުގައި އިރްފާން ހޯދަމުން ދަނީ 2016 ވަނަ އަހަރުގެ ޖޫން މަހުގެ ތެރޭގައި މަރާލި މ. ސަރުމާގޭ، ފާތިރު މުހައްމަދު އަލީގެ މަރުގެ މައްސަލައާ ގުޅިގެންނެވެ. ފާތިރު މަރުވީ މަރާމާރީއެއްގައި ކ. ކާށިދޫ، ރަންފަރު، އަހްމަދު އިރުޝާން ހިލްމީގެ މަރާ ގުޅިގެން އެކަމުގެ ބަދަލު ހިފުމުގެ ގޮތުން މާރާމާރީ ހިންގާ ދިން ހަމަލާތަކެއްގައެވެ.
މިއަދު އިރުފާން ހައްޔަރުކޮށްފައިވާ އިރު، މަރު ކޮމިޝަނުން ބަލަމުން ގެންދާ ފާތިރުގެ މަރުގެ މައްސަލައާއި ގުޅިގެން އިރްފާން ހޯދަން އިއުލާނު ކޮށްފައިވަނީ އިއްޔެއެވެ.
