އެމްޓީސީސީ ޗެއާމަން މުހައްމަދު ފަހީމް، ބެންކޮކަށް ކުރެއްވި ދަތުރެއްގައި ދިމާވި ބައްޔަކަށް އުސޫލުން ބޭރުން 35 ހާސް ޑޮލަރު ހަރަދު ކުރިކަން ހާމަވެއްޖެއެވެ. އިތުބާރު ހުރި މަސްދަރަކުން 'ދަ ޕްރެސް' އަށް މިކަން ވަނީ ކަށަވަރު ކޮށްދީފައެވެ.
އޭނާ ބުނީ، އެ ފަރުވާ އަކީ، އެމްޓީސީސީގެ ޗެއާމަނާއި މެނޭޖިން ޑައިރެކްޓަރާއި އަދި ދެ ބޯޑު މެންބަރަކު ބޭންކޮކަށް ކުރެއްވި ރަސްމީ ދަތުރު ނިމި އަމިއްލަ ބޭނުމެއްގައި އުޅުއްވަނިކޮށް ދިމާވި ކަމަކަށް ޗެއާމަން ހޯއްދެވި ފަރުވާއެއް ކަމަށެވެ. އެ ފަރުވާގެ ބިލްތަކުން އެނގޭ ގޮތުގައި ހޮސްޕިޓަލުގެ ހަރަދުތަކަށް 1 މިލިއަން ބާތު ވަނީ އަރާފައެވެ. އެއީ ގާތްގަނޑަކަށް 35 ހާސް އެމެރިކާ ޑޮލަރެކެވެ.
35 ހާސް ޑޮލަރު (539 ހާސް ދިވެހި ރުފިޔާ) ބިލްތަކަށް ދެއްކި އިރު އެމްޓީސީސީގެ ބޯޑު މެންބަރުންގެ އިންސުއަރޭންސް ޕެކޭޖުން ކަވާ ކުރަނީ 224 ހާސް ރުފިޔާއެވެ.
'ދަ ޕްރެސް' އަށް މައުލޫމާތު ދެއްވަމުން އެމްޓީސީސީގެ މެނޭޖިން ޑައިރެކްޓަރު ހަސަން ޝާހު ވިދާޅުވީ، އެކުންފުނީގެ ޗެއާމަންގެ ބޭސްފަރުވާއެއް ހިނގި ކަމަށާއި، އެ ބޭސްފަރުވާގެ ބިލްތައް ދެއްކީ އެލައިޑުން ކަމަށެވެ.
'ދަ ޕްރެސް' އާ މައުލޫމާތު ހިއްސާ ކުރި ފަރާތުން ބުނީ، ޗެއާމަންގެ ބޭސްފަރުވާގެ ބިލްތަކާއެކު ބޭސްފަރުވާގެ ހަދަރުތައް ކުންފުނިން ކޮށްދިނުމަށް އެދި ޗެއާމަންގެ ސިޓީއެއް އެމްޓީސީސީއަށް ލިބުނުކަން އޭނާއަށް އެނގޭ ކަމަށާއި، އަދި އެ ސިޓީއާ ގުޅިގެން ބޯޑު މެންބަރުން ލަފާ ދިނީ، އިންޝުއަރޭންސް ޕްރިމިއަމްއަށް ވުރެ ބޮޑުވާ ބައި އެންސްޕާ ކަހަލަ ތަނަކުން ހަމަޖެހޭތޯ ބަލައި، ނުޖެހިއްޖެ ނަމަ، އެމްޓީސީސީން އެބައި ދައްކައިދޭން ކަމަށްވެސް އެނގިފައި ވާ ކަމަށެވެ.
އޭނާ އިތުރަށް ބުނީ، އެލައިޑުން ދެއްކިޔަސް އެ ދައްކަނީ އެމްޓީސީސީން ދައްކާ ޕްރިމިއަމްއަކަށް ވާ ފައިސާ ކަމަށާއި، އެއަށްވުރެ ބޮޑު އަދަދެއް ދައްކާފައި އޮވެއްޖެނަމަ އެބަޔަކުވެސް އެކަން އެ ކުރީ އުސޫލާ ހިލާފަށް ކަމަށެވެ.
އެމްޓީސީސީއަކީ، މިހާރު ހިނގަމުންދާ ސަރުކާރުގެ ގިނަ ޕްރޮޖެކްޓަރެއް ހަވާލުކޮށްފައި ވާ ކުންފުންޏެވެ. އެ ކުންފުނީގެ ބޯޑުގައި 7 ބޭފުޅުން އެބަތިއްބެވިއެވެ.
ޔޯލަޔޯލަ ފިތުނަ. ޚަބަރުލިޔަނީ މިހެންތަ. އެލައިޑުން ކޮމެންޓެއް ހޯދައިނުލީ ގަސްތުގަތޯ
އެވެސް ވާނީ ބަދަލު ދިނުމަކަށް. އެހެންވީމާ އޯކޭ ވާނީ ބޮަޑުންނަށް އުފާވެރިކަން، ހުރިހާ ބުރައެއް ރައްޔިތުމީހާ އަށް. “ ރައްޔިތުންގެ ކުންފުނި އެންމެންގެ ކުންފުނި “
އަހްލާގީ ގޮތުން މުޖުތަމައުގާ ފަލީހަތްވެފަވާމީހަކު ބޯރޑުގާ ހުރުމަކަށް ކޯރޕަރޭޓް ގަވަރނަންސް ހުއްދަނުކުރޭ، ޒީރޯ ޓޮލެރަންސް ސަރުކާރު އޯކޭ.
ތީގެމައްސަލައެއްނެތް ބަލިރަގަޅުވެއްޖެ ދެން އޯކޭއި.
މީ ހެޔޮ ސަރުކާރު ދިވެއްސަކު ބޭރު ގައުމެއްގަ ހުއްޓަ ބަލިވީމަ ފަރުވާ ނުކޮށް މަރުވާން މިސަރުކާރުން ދޫކޮށްނުލާނެ މީ އައްސަންދަ ގެނެސްދިން ސަރުކާރު
އެ މޭޒުމަތީ ބާއްވާ ފިލްމު ކުޅުނު މީހާވެސް ހުންނަނީ އެމްޓީސީސީ ބޯޑުގަ ދޯ. އޭނަވެސް ދިޔައޯ އެ ދަތުރުގަ.
ދެން އެވަރުކަމެއްތަ އެއީ މީހަކު ބަލިވީމަ ނު ހަރަދު ކުރީ. މިސަރުކާރުން ނުކުރާނެ ކޮރަޕްޝަނެއް.
އެންމެ ދުވަހެއް ނުދޭ މިކަހަލަ އަޑެއް ނީވޭ. މީތަ އިބޫގެ ޒީރޯ ޓޮލަރެންސް އަކީ؟
ކާލާ ކާލާ ދަވާލާ، ތި އޮތީ ދައުލަތެއް ސަހާތެ މިބުނީ.