މަގާމުގެ ނުފޫޒު ބޭނުން ކޮށްގެން މާލީ މަންފާ ހޯދަން އުޅުނު ކަމުގެ ތުހުމަތުގައި ފުލުހެއް ފުލުހުން ހައްުޔަރު ކޮށްފިއެވެ. ފުލުހުން ބުނީ އޭނާ ހައްޔަރު ކުރީ ކޯޓުއަމުރެއްގެ ދަށުން މިރޭ ކަމަށެވެ.
ފުލުހުން ހައްޔަރު ކުރި ފުލުސް މީހާއަކީ އުމުރުން 31 އަހަރުގެ ފިރިހެނެކެވެ. އޭނާ ހައްޔަރު ކުރީ މާލީ މަންފާ ހޯދި ކަމުގެ ތުހުމަތުގައި ނަމަވެސް އޭނާ ހޯދީ ކޮން ކަހަލަ މާލީ މަންފާއެއް ކަމެއް ފުލުހުން ނުބުނެއެވެ.
މި މައްސަލައިގައި ޖިނާއީ ތަހުގީގެއް ފުލުހުން ފަށާފައި ވާއިރު، މި މައްސަލަ ފުލުހުންގެ ޕްރޮފެޝަނަލް ސްޓޭންޑާޑް ކޮމާންޑުންވެސް ދަނީ ބަލަމުންނެވެ.
ރާއްޖޭގައި ހިންގާ ޖިނާއީ ބައެއް ކުށްތަކުގައި ބައެއް ފުލުހުން ބައިވެރިވެފައި ވާ ބައެއް ހާދިސާތައް ދޭތެރެ ދޭތެރެއިން ހިނގަމުން ދާކަން ފާހަގަ ކުރެވެއެވެ.
