ޗާންދަނީ މަގުގައި ހުންނަ "ގްރީން މޫން ކެފޭ" ގައި އަނިފާނުގެ ހާދިސާއެއް ހިނގައިފިއެވެ.
'ދަ ޕްރެސް' އަށް މައުލޫމާތު ލިބިފައިވާ ގޮތުގައި، ދާދި ދެންމެ "ގްރީން މޫން ކެފޭ" ގައި އަލިފާނުގެ ހާދިސާއެއް ހިނގާފައި ވަނީ، އެ ކެފޭގެ ބަދިގޭގައި ހުރި ކުޑަ ގޭސް ފުޅިއެއްގައި ރޯވުމުގެ ސަބަބުންނެވެ. އަދި މިހާރު އަލިިފާން ވަނީ ނިއްވާލާފައެވެ.
މި ހާދިސާގެ ރިޕޯޓް އެމްއެންޑީއެފަށް މިއަދު 5:50 ގައި ލިބުމާއި އެކު އެ ފަރާތުން ވަނީ އެ ސަރަހައްދަށް ގޮސް، އަލިފާން ނިއްވާލާފައެވެ.
ގްރީމް މޫން ކެފޭގައި ހިނގި މި ހާދިސާގައި އެއްވެސް މީހަކަށް އަނިޔާވެފައިވާ ކަން އަދި ވަނީ ސާފުވާގޮތް ނުވެފައެވެ.
ޗާންދަނީ މަގުގައި ހުރި ކެފޭއެއްގެ ބަދިގޭގައި ރޯވެ، އަލިފާނުގެ ހާދިސާއެއް ހިނގާފައިވާއިރު، މިދިޔަ އަންގާރަ ދުވަހު ވަނީ މާވެޔޮ މަގުގައި ހުރި ރޯޅި ކެފޭގައި ރޯވެ އަލިފާނުގެ ހާދިސާއެއް ހިނގާފައެވެ. އެ ހާދިސާގައި އެ ކެފޭގެ ބަދިގެއަށް އެކިވަރުގެ ގެއްލުންތައް ލިބިފައި ވާއިރު، ބަދިގޭގައި ހުރި ކަބަޑު ބަރިތަކާއި އެހެނިހެން ހިފާ ގެންގުޅޭތަކެތި ބޭނުން ނުކުރެވޭ ވަރަށް އަނދާފައި ވެއެވެ.
