2008 ވަނަ އަހަރު މުޅި ދުނިޔެއަށް ކުރިމަތިވި އިގުތިސޯދީ ކާރީސާއަށްފަހު ދުނިޔޭގެ އިގުތިސޯދީ ކުރިއެރުމުގެ ދުވެލި މަޑުނުޖެހޭހާ ބޮޑަށް، އަދުގެ ދުނިޔޭގެ އިގުތިސޯދީ ދުވެލި މަޑުޖެހެމުންދާކަމުގެ އިންޒާރު، ބައިނަލްއަގުވާމީ މާލީ އިދާރާ (އައިއެމްއެފް)އިން ދީފިއެވެ.
އައިއެމްއެފްއިން މިފަދަ އިންޒާރެއް ދީފައި މިވަނީ ވިޔަފާރީގެ ބޮޑެތި ހަނގުރާމަތަކެއް ދުނިޔޭގެ އެންމެ ބާރުގަދަ 2 އިގުތިސޯދުގެ މެދުގައި ކުރަމުންދާ ދަނޑިވަޅެއްގައެވެ. މީގެ އިތުރުންމި ވަގުތަކީ ވިޔަފާރީގެ އިތުރުބާރު ގެއްލި، އިންވެސްޓަރުންގެ މެދުގައި ޔަގީން ކަން ގެއްލިފައިވާ ވަގުތެއްވެސް މެއެވެ.
އައިއެމްއެފްއިންވަނީ އިގުތިސޯދީ ނުރައްކާތައް ވީ އެންމެ އަވަހަކަށް ދެނެގަނެ، މިކަންކަމަށް ހައްލު ހޯދުމަށް ސިޔާސަތުތައް އެކުލަވާލާ ފަރާތްތަކަށް ގޮވާލާފައެވެ. އަދި އުފެދމުން އަންނަ އާ ކާރިސާގެ ގެއްލުން ވީހާވެސް ކުޑަވާނެ އާލާތްތަކެއް ތައާރަފުކުރުމަށްވެސް އައިއެމްއެފްއިން ވަނީ ކަމާބެހޭ ފަރާތްތަކަށް ގޮވާލާފައެވެ.
ދުނިޔޭގެ އިގުތިސޯދީ ކުރިއެރުމުގެ ނިސްބަތް 2020 ވަނަ އަހަރު އުޅޭނެ ކަމަށް ލަފާކުރެވެނީ އެންމެ 3 ޕަސެންޓްގައި ކަމަށްވާއިރު، މިއީ އެއްވެސް ކަހަލަ ގޯހެއް ހެދުމަށް ފުރުސަތު އޮތް ހާލަތެއް ނޫންކަމަށްވެސް އައިއެމްއެފްއިން ވަނީ އިންޒާރުކޮށްފައެވެ.
