ދިވެހިރާއްޖޭގައި ބާއްވާ ހަމައެކަނި ހެލްތް އެގްޒިބިޝަން ' މޯލްޑިވްސް މެޑިކަލް އެންޑް ހެލްތް އެކްސްޕޯ 2019' ގެ ޑިޖިޓަލް ޕާޓުނަރަކަށް ދިރާގު ހަމަޖައްސައިފިއެވެ. މެޑިކަލް އެކްސްޕޯގެ ޕާޓްނަރުންނާއެކު ސޮއިކުރަން ބޭއްވި އިވެންޓުގައި ދިރާގާއެކުވެސް ވަނީ ސޮއިކޮށްފައެވެ.
އިއްޔެ ހަވީރު ޗަމްޕާ ސެންޓްރަލްގައި ބޭއްވި ރަސްމިއްޔާތުގައި މިއެކްސްޕޯގެ ޕްލެޓިނަމް ޕާޓްނަރުންނާއި ސްޕޮންސަރުންނާއި އަދި އެހެން ޕާޓްނާރުންނާ އެކުވެސް ވަނީ ސޮއިކޮށްފައެވެ. މިނިސްޓްރީ އޮފް ޓުއަރިޒަމް އާއި މިނިސްޓްރީ ޔޫތް ސްޕޯޓްސް އެންޑް ކޮމިއުނިޓީ އެމްޕަވަރމެންޓްން ވަނީ މި އެކްސްޕޯ އެންޑޯސްކޮށްފައިވާ މި އެކްސްޕޯގެ ޕްލެޓިނަމް ޕާޓްނަރުންންނަކީ އޭޑީކޭ ހޮސްޕިޓަލް، ޓްރީ ޓޮޕް ހޮސްޕިޓަލް، ލަންކާ ހޮސްޕިޓަލް، ބެންކޮކް ހޮސްޕިޓަލް އަދި އާސަރީ ހޮސްޕިޓަލްސްއެވެ.
މި އެކްސްޕޯގެ ސަޕޯޓިން ޕާޓްނަރުންނަކީ ސޮސައިޓީ ފޯ ހެލްތް އެޑިއުކޭޝަން (ޝީ) އަދި މޯލްޑިވިއަން މެޑިކަލް އެސޯސިއޭޝަންއެވެ. ފިޓްނަސް ޕާޓްނަރަކީ ފިޓް ޒޯންއެވެ. އެކްސްޕޯގެ އެއާލައިން ޕާޓްނަރަކީ އިންޑިގޯއެވެ.
ދަރުބާރުގޭގައި ބާއްވާ މި އެކްސްޕޯ އޮންނާނީ މިމަހުގެ އަށާރަ، ނަވާރަ އަދި ވިހި ވަނަ ދުވަހު ހަވީރު ހަތަރަކުން ރޭގަނޑު އެގާރަ އަށެވެ.
