މޫސުމާ ބެހޭ އިދާރާ މެޓް އޮފީހުން، ށ. އަތޮޅުން މ. އަތޮޅާއި ދެމެދަށް ޔެލޯ އެލާޓް ނެރެފިއެވެ.
މެޓް އޮފީހުން ބުނީ، މިއަދު ހެނދުނު 8:30 އިން ފެށިގެން މެނއދުރު 12:00 އާ ދެމެދަށް، ށ އަތޮޅުން ފެށިގެން މ އަތޮޅާއި ދެމެދަށް ޔެލޯ އެލާޓް ނެރެފައި ވާ ކަމަށެވެ. އެ އިދާރާއިން ބުނީ، އެ ސަރަހައްދުތަކަށް ބޯކޮށް ވާރޭ ވެހުމާއެކު ގުގުރުން އެކަށީގެންވާ ކަމަށެވެ.
މެޓް އޮފީހުން ބުނެފައި ވަނީ މިއަދު ވައިޖެހޭނީ ދެކުނުގެ އަތޮޅުތަކަށް އިރުދެކުނާއި ދެކުނުން ގަޑިއަކު 7 މޭލާ 15 މޭލާ ދެމެދުގެ ބާރުމިނުގައި އަދި އެހެން ހިސާބުތަކަށް ހުޅަނގު ދެކުނާއި ހުޅަނގުން ގަޑިއަކު 5 މޭލާއި 15 މޭލާ ދެމެދުގެ ބާރު މިނުގައި ކަމަށާއި ވިލާގަނޑުގައި ގަޑިއަކު ގާތްގަޑަކަށް 35 މޭލަށް ވައި ގަދަވުން އެކަށީގެންވާ ކަމަށެވެ.
ކަނޑުތައް އާދައިގެ ވަރަކަށް މަޑުވެފައި ވިލާގަނޑުގައި އާދައިގެ ވަރަކަށް ގަދަވާނެ ކަމަށާއި މި ހަފްތާގައި ރާއްޖެއަށް ކުރަމުން މި ދާ ވިއްސާރާ ގައި މޫސުމަށް ސަމާލު ވުމަށްވެސް އެ އިދާރާ އިން ވަނީ އިލްތިމާސް ކޮށްފައެވެ.
