މަޝްހޫރު ޓީވީ ސީރީޒް "ގޭމް އޮފް ތްރޯންސް"ގައި ލޯޑް ކޮމާންޑަރެއްގެ ރޯލުން ފެނިގެންދިޔަ ޖޭމްސް ކޮސްމޯ، ބޮލީވުޑް ފިލްމަކަށް ސޮއިކޮށްފިއެވެ.
ދަނޫޝް ރާޖާއާ އެކު ޖޭމްސް ކޮސްމޯ މަސައްކަތްކުރަން ސޮއިކުރީ ކާރްތިކް ސުބާރާޖުގެ ޕްރޮޖެކްޓެއްގައި ކަމަށް ރިޕޯޓްތައް ބުނެއެވެ.
"ބްރޭވްހާޓް" ފަދަ ކާމިޔާބު މަސައްކަތްތަކަކުން ފެނިގެން ގޮސްފައިވާ ޖޭމްސް ކޮސްމޯ ސޮއިކުރި ބޮލީވުޑްގެ ފިލްމުގެ ޝޫޓިންގް، އަންނަ މަހު ލަންޑަންގައި ފެށުމަށް ހަމަޖެހިފައި ވާކަމަށް މައުލޫމާތު ލިބެއެވެ. ގޭންގްސްޓާ ތްރިލާއެއްގެ ގޮތުގައި އުފައްދާ މި ފިލްމަކީ ތަމަޅަ ފީޗާ ފިލްމެއް ކަމަސް، ފިލްމް ޕްރޮޑިއުސް ކުރާ ވައިނޮޓް ސްޓޫޑިއޯޒްއިން އާންމުކޮށްފައިވާ ޕްރެސް ރިލީޒްއެއްގައި ވަނީ ފާހަގަކޮށްފައެވެ.
އަދި ނަން ހާމަކޮށްފައި ނުވާ މި ފިލްމުގެ އަންހެން ލީޑެއްގެ ގޮތުގައި ފެނިގެންދާނީ އައިޝްވާރިޔާ ލަކްޝްމީ ކަމަށް ޚަބަރު ލިބެއެވެ. ނަމަވެސް މި ފިލްމުގައި ޖޭމްސް ކޮސްމޯ ފެނިގެންދާނީ ކޮން ރޯލަކުން އަދި ކަށަވަރުވާ ގޮތެއް ނުވެއެވެ.
