ދިވެހިންގެ ތެރޭގައިވެސް ބޮޑު މަގުބޫލުކަމެއް ހޯދާފައިވާ ހިންދީ ރިއާލިޓީ ޓިވީ ޝޯ "ބިގް ބޮސް"ގެ 13 ވަނަ ސީޒަންގެ ފުރަތަމަ ޕްރޯމޯ އާންމުކޮށްފިއެވެ.
"ބިގް ބޮސް"ގެ ރަސްމީ ޕޭޖުގައި އާންމުކޮށްފައިވާ 13 ވަނަ ސީޒަންގެ ޕްރޯމޯއިން ފެނިގެންދަނީ، ހޮސްޓް ސަލްމާން ހާން، ރޭލު ސްޓޭޝަން މާސްޓަރެއްގެ ގޮތުގައި ހުއްޓައެވެ.
މިފަހަރުގެ ސީޒަންގައި މުޅިންވެސް ފެނިގެންދާ މަޝްހޫރު ސެލެބްރިޓީން ކަމަށްވާއިރު، ސީޒަންގެ ފުރަތަމަ އެޕިސޯޑުން ފެށިގެންވެސް ޝޯގެ މަގުބޫލުކަން ކުޑަ ނުވާނެ ކަމަށްވެއެވެ.
މިހާތަނަށް ލިބިފައިވާ މައުލޫމާތަށް ބަލާއިރު ހަތަރު ހަތުފާއިން ޝޯގެ ފިނާލޭއާއި ހިސާބަށް ދެވުނު ނަމަވެސް، ޝޯގައި ބައިވެރިވާ ސެލެބްރިޓީންނަށް ކުރިމަތިކުރާ ޗެލެންޖުތައް 100 ދުވަހަށް ދެމިގެންދާނެއެވެ.
އިންޑިއާގެ ފިލްމް ސިޓީ މުމްބާއީގައި މަންޒަރުތައް ޝޫޓުކުރަން ހަމަޖެހިފައިވާ "ބިގް ބޮސް" ރިއާލިޓީ ޝޯގެ 13 ވަނަ ސީޒަން ދައްކަން ފަށާނީ އަންނަ ސެޕްޓެމްބަރު މަހުގެ ތެރޭގައެވެ.
