އުމުރުން 76 އަހަރު ފުރުނުއިރުވެސް މަޑުޖެހުމެއްނެތި ބޮލީވުޑް ސިނާއަތުގެ އުފެއްދުންތަކުގައި މަސައްކަތްކުރަމުން އަންނަ އަމީތާބު ބައްޗަން، ވިވެކް ޝަރުމާއާއިއެކު ފިލްމެއްގެ މަސައްކަތް ކުރަން އެންމެ ފަހުގެ ތައްޔާރީތައް ވަމުން އަންނަ ކަމަށް ޚަބަރު ލިބިއްޖެއެވެ.
2008 ވަނަ އަހަރުގެ ފިލްމް "ބޫތްނާތް" ޑައިރެކްޓްކޮށްގެން ގިނަ ބައެއްގެ ސަމާލުކަން ހޯދި ވިވެކް ޝަރުމާއާއިއެކު އަމީތާބު މިހާރު މަސައްކަތް ކުރަމުން އަންނަނީ، އަދުގެ ޖީލަށް ހަޖޫޖަހާ ޖޯކު ޖަހާ ކަންތައްތަކެއް ފެނިގެންދާނެ ފިލްމެއްގައި ސޮއިކުރުމަށް ކަމަށް މައުލޫމާތު ލިބެއެވެ.
މި ފިލްމުގައި އަމީތާބު ހިމެނުމަށް ވިވެކް ޝަރުމާ މަސައްކަތްކުރަމުންދާއިރު، ފިލްމުގެ ސްކްރިޕްޓަކީ އަމީތާބަށްވެސް ވަރަށް ކަމުދާ ސްކްރިޕްޓަކަށް ވެފައިވާކަމަށް ޚަބަރު ލިބެއެވެ.
އަމީތާބު މިހާރުވެސް ދަނީ 5 ފިލްމެއްގައި މަސައްކަތް ކުރަމުންނެވެ.
