ޗުއްޓީ ހޭދަކޮށްލުމަށް ރާއްޖެއައިސް އުޅޭ ބޮލީވުޑް ޖޯޑު މަލައިކާ އަރޯރާ އާއި އަރުޖުން ކަޕޫރުގެ ފޭނުން މަލައިކާއަށް ވަރުގަދަ އިންޒާރެއް ދީފިއެވެ.
ސޯޝަލް މީޑިއާގައި މި ދެ ލޯބިވެރިން ހިއްސާކުރަމުންދާ ޕޯސްޓުތަކަށް ކޮމެންޓް ކުރަމުން މަލައިކާގެ ފޭނުންވަނީ، ޗުއްޓީ ހޭދަކޮށްލުމަށް ރާއްޖެއައިސް އުޅޭ ދުވަސްވަރު، އަރުޖުންގެ ސަބަބުން ރާއްޖޭގެ ހަގީގީ ފޮނިމީރުކަން އުނިވިޔަ ދީގެން ނުވާނެ ކަމަށެވެ.
މަލައިކާއާއި އަރުޖުންވެސް ވަނީ ސޯޝަލް މީޑިއާގައި އެކަކު އަނެކަކު ހިއްސާކުރަމުންދާ ފޮޓޯތަކަށް "ޖެއްސުމުގެ" ކޮންމެންޓުތައްކޮށް، ގިނަ ބައެއްގެ ސަމާލުކަން ހޯދަމުންނެވެ.
ސޯޝަލް މީޑިއާގައި މަލައިކާ މުޅިންހެންވެސް ހިއްސާކުރަމުންދަނީ އޭނާއާއިއެކުގައި ރާއްޖެ އައިސްއުޅޭ އޭނާގެ ރަހުމަތްތެރިންނާއެކު ނަގާފައިވާ ފޮޓޯތަކެވެ. އަރުޖުން ހިއްސާކުރަމުންދަނީ އޭނާ އެކަނި ފެންނަ ގޮތަށް ނަގާފައިވާ ކަޅާ ހުދުގެ ސެލްފީއެވެ.
މަލައިކާއާއި އަރުޖުންވަނީ މިދިޔަ އަހަރުވެސް ރާއްޖޭގައި ޗުއްޓީ ހޭދަކޮށްފައެވެ. ނި ދެތަރިން އަދިވެސް ކައިވެނިކޮށްފައި ނުވާއިރު، މިއިން ދުވަހަކު އެކަން ވާން ނެތް ކަމުގެ އިޝާރާތެއް އަރުޖުންވަނީ ކޮށްފައެވެ.
