ދިރާގާއި އެމްއެމްއޭ އަދި ސްޕާކް ހަބް ގުޅިގެން ކުރިއަށް ގެންދިޔަ އޭންޖަލްހެކްގެ އެއްވަނައަށް ދިޔަ "ޓީމް ސްޓޭލައިޓް" އަށް ބައިނަލްއަގުވާމީ ޕްރީ އެކްސަލަރޭޓާ ޕްރޮގްރާމް، ހެކްސެލެރޭޓާގައި ބައިވެރިވުމުގެ ފުރުސަތު ވަނީ ލިބިފައެވެ.
ސްޓޭލައިޓުން މި ހެކަތޯން ކާމިޔާބުކޮށްފައި ވަނީ އެކޮމޮޑޭޝަން ހަމަޖެއްސުމަށް އިންސްޓޯލްމެންޓް ކޮށް ފައިސާ ދައްކާ މޮޑެލެއްގެ ޕްރޮޓޯޓައިޕެއް ހަދައިގެންނެވެ.
މި ހެކްސަލަރޭޓާގައި ބައިވެރިވާ ފަރާތްތަކަށް އެމެރިކާގެ ސެން ފްރެންސިސްކޯގެ ސިލިކޮން ވެލީން ބައިނަލްއަގުވާމީ މެންޓަރުންގެ އެހީ ލިބި، ޕްރޮޖެކްޓުތަކާއި ހިޔާލުތައް ރަނގަޅު ފެންވަރުގެ ސްޓާޓްއަޕް ކުންފުނިތަކަށް ބަދަލުކުރުމަށް މަގުފަހިވެގެންދާނެ ކަމަށް ދިރާގުން ބުނެއެވެ.
އޭންޖަލްހެކްގެ ދެވަނަ ހެކަތޯންގައި 10 ޓީމަކުން ބައިވެރިވިއެވެ. މިއީ ދިވެހި ޒުވާނުންގެ މެދުގައި ސްޓާޓަޕް ކަލްޗާ އަށަގަނުވައި، އިނޮވޭޓިވް ޑިޖިޓަލް ސޮލިއުޝަންތައް ހޯދުމަށް ފުރުސަތު ހޯދައި ދިނުމުގެ ގޮތުން ދިރާގާއި، އެމްއެމްއޭ އަދި ސްޕާކް ހަބް ގުޅިިގެން ކުރިއަށްގެންދިޔަ ހަރަކާތެކެވެ.
