އޮންސޯމްބަލް ކާސްޓެއް ނުވަތަ މުހިންމު ގިނަ ތަރިންތަކެއް ހިމެނޭ ގޮތަށް ހުރިހާ ތަރިންނަށްވެސް ދާދި އެއްވަރަކަށް ސްކްރީން ޓައިމް ލިބޭ އުސޫލަކުން ޝޫޓިންގް ކުރިއަށް ގެންދާ "ހައުސްފުލް 4" ގެ މަސައްކަތްތަކާ މެދު ހިތްހަމަޖެހޭ ކަމަށް ދެކުނު އިންޑިއާގެ ހިސާބުތަކުގައި ގިނަ ބައެއްގެ ސަމާލުކަން ހޯދާފައިވާ ރަނާ ދަގުބަތީ ބުނެފިއެވެ.
ފިލްމުގެ ކާސްޓުގެ ތެރެއިން ވަކިން ހާއްސަކޮށް އަކްޝޭ ކުމާރާ ބެހޭ ގޮތުން ވާހަކަ ދައްކަމުން "ބާހޫބާލި"ގެ ތަރި ރަނާ ދަގުބަތީ ބުނީ އޭނާއާއިއެކު މަސައްކަތް ކުރުމަކީ އަބަދުވެސް އުފަލެއް ކަމަށާ، އަކްޝޭ ކުމާރުގެ ފަރާތުން ގިނަ ކަންތައްތަކެއް ދަސްވިކަމަށެވެ.
"ހައުސްފުލް 4" އަށް ރަނާ ދަގުބަތީ ހަމަޖައްސާފައިވަނީ ނާނާ ޕަޓޭކަރުގެ ބަދަލަށެވެ.
މުހިންމު ރޯލުތަކުން ޗަންކީ ޕާންޑޭ، ބޮބީ ޑިއޯލް އަދި ރިތޭޝް ދޭޝްމުކް ފަދަ ވިދުން ވަރުގަދަ ތަރިން ފެނިގެންދާ ފިލްމް "ހައުސްފުލް 4" ސިނަމާތަކާ ހިސާބަށް އަންނާނީ މިއަހަރުގެ އޮކްޓޯބަރު މަހުގެ 25 ވަނަ ދުވަހުއެވެ.
