1990ގެ އަހަރުތަކުގައި ބޮޑުވަމުން އައީ ކުދިންނަށް ޔަޝް ޗޯޕްޅާގެ "ޑާރް"އަކީ ކްލެސިކްއެކެވެ. ނަމަވެސް ފާހަގަކޮށްލަންޖެހޭ ކަމަކީ މިފިލްމަށްފަހު، ފިލްމުގެ ލީޑުން ފެނިގެންދިޔަ 2 ބަތޮލުން، އެކަކު އަނެކަކާ އަނގައިން ނުބުނެ އެތައް އަހަރެއް ހޭދަކޮށްފައިވާކަމެވެ.
ފިލްމުގައި ރަނގަޅު މީހާގެ ރޯލުން ފެނިގެންދިޔައީ ސަނީ ޑިއޯލްއެވެ. ނުބައި ބައި މިހާގެ ލީޑުންގެ ފެނިގެންދިޔައީ ޝާހް ރުކް ހާންއެވެ.
ފިލްމަށްފަހު މި ދެތަރިން ގުޅުން އިންތިހާއަށް ހީނަރުވެގެންދިޔަ ދިއުމާ ބެހޭ ގޮތުން ހަނދާން އާކޮށް، މީޑިއާއި ވާހަކަ ދައްކަމުން ސަނީ ޑިއޯލްވަނީ އެކަން އެހެން ހިނގަން މެދުވެރިވި ސަބަބު ހާމަކޮށްދީފައެވެ.
ސަނީ ޑިއޯލޯލް ބުނާ ގޮތުންނަމަ އޭނާއާއި ޝާހް ރުކް ހާން ވާހަކަ ނުދައްކާން ތިބެނީކީ ނޫނެވެ. ނަމަވެސް ފިލްމުގައި ޖެހުނު މައްސަލައަކުން ދެމީހުން ދުރުވެލުމުން، އެކަން އެގޮތުގައި 16 ވަރަކަށް އަހަރަށް ދެމިގެންދިޔައީއެވެ.
ސަނީ ޑިއޯލް ކިއާދިން ގޮތުގައި އޭނާ ޝާހް ރުކް ހާންއާއި ދުރަށް ދިޔައީ ފިލްމުގެ ގަދަ ތަޅާލުންގަނޑުގެ ސީންގެ މައްސަލާގައި ޔަޝް ޗޯޕްޅާއާއިވެސް ވާހަކަ ދެއްކުމަށްފަހުގައެވެ. ސަނީ ޑިއޯލްއަކީ އެ ފިލްމުގައި ވަރުގަދަ ކެރެކްޓަރެކެވެ. ކޮމާންޑަރެކެވެ. ނަމަވެސް ޝާހް ރުކް ހާން ވަރަށް ފަސޭހައިން ސަނީ ޑިއޯލް "ނައްތާލަ"އެވެ. ސަނީ ޑިއޯލް ހިތްހަމަ ނުޖެހުނީ އެކަމާކަމަށް އޭނާ ބުނެއެވެ.
ފިލްމުގެ ޝޫޓިންގްއާއި ބެހޭ ގޮތުން ވާހަކަ ދައްކަމުން ސަނީ ޑިއޯލް އިތުރަށް ބުނީ، ފިލްމުގެ ސެޓްގައި އުޅުނުއިރު ޔަޝް ޗޯޕްޅާއާއި ޝާހް ރުކް ހާންވެސް އޭނާ ދެކެ ޖެހިލުންވާނެ ކަމަށާ، އެއީ އެދެމީހުންނަށް ގޯސްތަކެއް ހެދޭކަން ޚުދު އެމީހުންނަށްވެސް އެނގޭތީކަމަށް ސަނީ ޑިއޯލް ވަކާލާތު ކުރެއެވެ.
"ޑަރް"ގައި ޝާހް ރުކް ހާން އަދާކޮށްދިން ރޯލުވީ އާންމުންގެ ގިނަ ބަޔަކަށް ކަމުދިޔަ ރޯލަކަށެވެ. ޝާހް ރުކް ވަނީ އެރޯލުން ފިލްމްފެއާ އެވޯޑްވެސް ހޯދާފައެވެ.
