ބޮލީވުޑްގެ ތަޖުރިބާކާރު ބަތޮލް އަމީތާބު ބައްޗަންގެ ޓްވިޓާ އެކައުންޓް ހެކުކޮށް، އެ އެކައުންޓުގެ ޕާސްވާޑް، ޑާކް ނެޓްގައި އާންމުކުރީ ޕާކިސްތާނާ ގުޅުން އޮންނަ ތުރުކީވިލާތުގެ ހެކަރުންތަކެއް ހިންގާ 'އައްޔިދިޒް ޓިމް ސައިބާ އާމީ'އިން ކަމަށް އިންޑިއާގެ ޚަބަރުތައް ބުނެފިއެވެ.
ޑާކްނެޓަކީ އާންމު ސާޗްއިންޖިންތަކާ ބުރައުޒަރުތަކުން ވަދެގެން ނުފެންނަ "އަނދިރި" ހިސާބެއްގައި ހިންގާ އިންޓަނެޓް ޕްލެޓްފޯމެކެވެ.
އަމީތާބުގެ އެކައުންޓް ހެކްކުރުމަށްފަހު 'އައްޔިދިޒް ޓިމް ސައިބާ އާމީ'އިންވަނީ ޕްރޮފައިލް ފޮޓޯއަށް ޕާކިސްތާނުގެ ބޮޑުވަޒީރު އިމްރާން ހާންގެ ފޮޓޯއެއް ލުމަށްފަހު، ޓްވިޓާ ބައޯގައި "ޕާކިސްތާނު ދެކެ ލޯބިވާ"ކަމަށް ލިޔެފައެވެ.
އަމީތާބުގެ ޓްވިޓާ އެކައުންޓް ހެކްކުރި މައްސަލަ ރަސްމީ ސިފައެއްގައި ފުލުހުންނަށް ރިޕޯޓްކޮށްފައި ނުވާ ކަމަށް މައުލޫމާތު ލިބެއެވެ.
2002 ވަނަ އަހަރުން ފެށިގެން އޮޕަރޭޓްކުރަމުން އަންނަ 'އައްޔިދިޒް ޓިމް ސައިބާ އާމީ'އިން މިކަމުގެ ޒިންމާ އުފުލާފައިވާއިރު، މަޝްހޫރު ލަވަކިއުންތެރިޔާ އަދުނާން ސާމީގެ ޓްވިޓާ އެކައުންޓްވެސް ހަމަ އެ ގުރޫޕުންވަނީ ހެކްކޮށްފައެވެ.
