ކުރީގެ ރައީސް އަބްދުﷲ ޔާމީން ރިޝްވަތުގެ ގޮތުގައި ދެއްވީ ވެސް، އެމްޑީޕީ ގެ ސަރުކާރުން އެޅި ފްލެޓް ކަމުގައި ކުރީގެ ރައީސް މުހައްމަދު ނަޝީދު ވިދާޅު ވެއްޖެއެވެ.
ގދ. ތިނަދޫގައި މިރޭ ބޭއްވި ކެމްޕޭން ޖަލްސާއެއްގައި ވާހަކަފުޅު ދައްކަވަމުން ނަޝީދު ވިދާޅުވީ، އެމްޑީޕީގެ ވެރިކަމުގައި 2008 ވަނަ އަހަރު 10،000 ފްލެޓް ދިނުމަށް ނިންމާފައި ވާކަމަށެވެ. އަދ ސަރުކާރު ވައްޓާލި އިރު، އޭގެ ތެރެއިން 4،000 ފްލެޓް ގެ މަސައްކަތް ނިމިފައި ވާކަމަށް ވެސް ނަޝީދު ވިދާޅު ވިއެވެ.
"އަޅުގަނޑުމެން ނިންމީ ވައުދެއްގެ ގޮތުގައި 2008 ވަނަ އަހަރު 10،000 ފްލެޓްކ ބޯހިޔާވަހިކަން ފޯރު ކޮށްދިނުމަށް، އަޅުގަނޑުމެންގެ ސަރުކާރު ވައްޓާލި އިރުގައި 4،000 ފްލެޓް ގެ މަސައްކަތް ނިމިފައި ހުރީ. ރައީސް ޔާމީން ރިޝްވަތުގެ ގޮތުގައި ވެސް ދެއްވީ އަޅުގަނޑުމެން ދީފައި ހުރި ފްލެޓް" ނަޝީދު ވިދާޅު ވިއެވެ.
ޔާމިން ހެއްދެވި ކޮށްޓްރެކްޓަކުން އަދި އެންމެ ފްލެޓެއް ވެސް އަދި އެންމެ ބޯހިޔާވަހިކަމެއް ވެސް ރާއްޖޭގެ ރައްޔިތުނަށް ނުލިބޭ ކަމަށް ނަޝީދު މިރޭ ވިދާޅު ވިއެވެ. އެކަމަކު ހުޅުމާލޭގައި "ކޮތަރު ކޮށި" ތަކެއް ހަދަން ފަށާ ނުނިމި ހުރިކަމަށް ނަޝީދު ވިދާޅުވިއެވެ.
ނަޝީދު ވިދާޅުވީ، މިހާރު މީހުން ދިރިއުޅެން ފަށާފައިވާ ފްލެޓް ތަކަކީ އެމްޑީޕީގެ ސަރުކާރުން ކޮންޓްރެކްޓެއް ގައި ސޮއެ ކޮށްގެން ނިންމާފައި ހުރި ފްލެޓް ތަކެއް ކަމަށެވެ. އަދި ދެންވެސް، ރާއްޖޭގެ ރައްޔިތުން ބޭނުންވާ މިންވަރަށް ބޯހިޔާ ވަހިކަން ފޯރުކޮށްދޭނެ ޕާޓީ އަކީ އެމްޑީޕީ ކަމަށް ނަޝީދު ވިދާޅުވިއެވެ.
ވެރިކަމެއް ކުރަން ނޭންގުނޭ އަހަރުމެން މަސައްކަތުން ދިނީމަވެސް. މިފަހަރު ވެރިކަން ހޯދީ ބަޔަކު މިނިވަން ކޮއްދޭން ށޯ. އެދުވަހަކުން ރާއްޖެ އަޅުވެތި ތޯއްޗެ ކޮށްލާނީ.