މާލެ ހޮޓަލެއްގައި "ސްޕްރީޓުއަލް ހީލާ"ގެ ނަމުގައި ކްލާސް ބާއްވަން އުޅޭ މައްސަލަ ފުލުހުންނަށް ހުށަހަޅައިފިއެވެ.
އިސްލާމިކް މިނިސްޓަރު އަހްމަދު ޒާހިރު ކުރެއްވި ޓްވީޓެއްގައި ވިދާޅުވީ، މާލެ ހޮޓަލެއްގައި " ސްޕްރީޓުއަލް ހީލާ"ގެ ނަމުގައި ދީނީ އެއްބައިވަންތަކަން ހިމާޔަތް ކުރުމުގެ ގާނޫނާ ހިލާފު އަމަލުތަކެއް ހިންގަން އިސްތިހާރު ކުރުމުގެ މައުލޫމާތު ލިބުމާ ގުޅިގެން އެމައްސަލަ ބަލައި ފިޔަވަޅު އެޅުމަށް ފުލުހުންނަށް ހުށަހަޅާފައިވާ ކަމަށެވެ.
އެމީހާ ސޯޝަލް މީޑިއާގައި ކޮށްފައިވާ އިސްތިހާރުތކުގައި މައްސަލަތަކަށް ހައްލު ހޯދާނެ ގޮތް ކިޔައި ދޭނެ ކަމަށާއި ވަކި ވަރަކަށް ޖާގަ ހުރުމާއެކު އެ ކުލާސްތަކުގައި ބައިވެރިވާން ބޭނުންވާ މީހުން އަވަހަސް އެ ކުލާހުން ޖާގަތައް ކަށަވަރުކުރުމަށް ބްކިން ހެއްދުމަށް ވަނީ ބުނެފައެވެ.
މިއީ މިފަދަ ކަމެއް ފާޅުގައި އިސްތިހާރު ކޮށްގެން ރާއްޖޭގައި ބާއްވާ ފުރަތަމަ ފަހަރެވެ.
އެކަމާ ގުޅިގެން ފުލުހުންގެ ބަހެއް އަދި ލިބިފައެއް ނުވެއެވެ.
މި ސިދާ އިދިކޮޅުން ޖައްސާ ގޭމު. ބޭނުމަކީ ދީނީ ކާޑު ކުޅެގެން ވޯޓަށް ނުފޫޒު ފޯރުވުން