ޒަހަމްތަކާއެކު މަރުވެފައި އޮއްވާ ފެނުނު ނޮޅިވަރަމް އުމުރުން 28 އަހަރުގެ ނިޝާމާ މުހައްމަދުގެ ޕޯސްޓްމޯޓަމް ހަދަން ނިންމައިފިއެވެ.
"ދަ ޕްރެސް" އަށް އެކަން ނޮޅިވަރަމް ކައުންސިލް މެންބަރު އަދި މީޑިއާ ކޯޑިނޭޓަރު މުހައްމަދު މުސްތަފާ ވަނީ ކަށަވަރު ކޮށްދެއްވާފައެވެ.
އެކަމާ ގުޅިގެން ފުލުހުންގެ ބަހެއް އަދި ނުލިބެއެވެ.
ނިޝާމާ މަރާލާފައި އޮއްވާ ފެނުމާއެކު އޭނާގެ ފިރިމީހާ އދ. ފެންފުށި ފައިސަލް އަލީއަށް ގިނަ ތުހުމަތުތަކެއް އަންނަނީ ކުރަމުންނެވެ.
ފައިސަލް ހައްޔަރުކުރި ކަމުގެ މައުލޫމާތު ތަކެއް ފެތުރެމުން ދާއިރު އެކަމާ ގުޅިގެން ރަސްމީ އެއްވެސް އިދާރާއަކުން ޔަގީންކަން ދީފައެއް ނުވެއެވެ.
ފުލުހުން ބުނީ ނޮޅިވަރަމުގައި މީހަކު މަރާލައިގެން އުޅޭ ކަމަށް ބުނެ މިއަދު 12:30 ހާއިރު ފުލުހަށް ރިޕޯޓު ކޮށްފައިވާ ކަމަށެވެ.
އެ މައުލޫމާތު ލިބުމާއެކު ފުލުހުން ސީންއަށް ގޮސްފައިވާ ކަމަށާއި އެ މީހާ އެ ރަށު ސިއްހީ މަރުކަޒަށް ގެންދިޔައިރު ވެސް މަރުވެފައިވާ ކަމަށް ޑޮކްޓަރުން މައުލޫމާތު ދީފައިވާ ކަމަށް ފުލުހުން ވަނީ ބުނެފައެވެ.
