ކޮވިޑްގެ ތެރޭގައި ފޮޓޯ ނެގުމުން ޕްލިޒާ އެވޯޑް ލިބިފައިވާ ކަޝްމީރުގެ ފޮޓޯ ޖާނަލިސްޓަކު އެމެރިކާގައި އޮންނަ އެވޯޑް ހަފްލާއަށް ދިޔުން އިންޑިއާ ސަރުކާރުން ހުއްޓުވައިފިއެވެ.
ޓިކެޓާއި ވިސާވެސް އަތުގައި އޮވެ މެ ދިޔަ ނުދީ ދިއްލީ އެއާޕޯޓުން ހިފެހެއްޓި ސަބަބެއް އިންޑިއާގެ މައިސަރުކާރުން ހާމަ ނުކުރާ އިރު، ފޮޓޯގްރާފަރު ނިސްބަތްވާ ކަޝްމީރަކީ އިންޑިއާއިން ކޮންޓްރޯލް ކުރާ ތަނެކެވެ.
ކަޝްމީރުގެ ފުލުހުންނާ ހަވާލާދީ ޕާކިސްތާނުގެ ނޫސް އިދާރާތާކުން ބުނާ ގޮތުން، އެ ފޮޓޯގްރާފަރުގެ ނަން އޮތީ ނުފުރޭނެ މީހުންގެ ލިސްޓުގައެވެ. ނަމަވެސް ސަބަބު އެނގިފައި ނުވާ ކަމަށްވެސް ރިޕޯޓު ކުރެއެވެ.
ސަންނާ އިރުޝާދު މައްޓޫ ނަމަކަށް ކިޔާ މި ފޮޓޯގްރާފަރު ޓްވިޓާގައި ބުނެފައި ވަނީ، މިއީ އޭނާ ގައުމުން ބޭރަށް ފުރަން 4 މަސްތެރޭގައި މަސައްކަތް ކުރި 2 ވަނަ ފަހަރު ކަމަށާއި މި 2 ފަހަރުވެސް ހިފަހައްޓާ ސަބަބެއް ބުނެފައި ނުވާ ކަމަށެވެ.
އަދި ޕުލިޒާ އެވޯޑަކީ ހުރިހާ ނޫސްވެރިންވެސް އުންމީދު ކުރާ އެވޯޑެއް ކަމަށާއި އެ ހަފްލާއަށް ނުދެވުމުން "ހިތްހަލާކު ވެއްޖެ" ކަމަށެވެ.
ޕްލިޒާ އެވޯޑަކީ އުފަންވި ތާ 106 އަހަރުވެފައި ވާ، ނޫސްވެރިންގެ މެދުގައި މަގުބޫލު އެވޯޑެކެވެ.
