ގެވެށި އަނިޔާގެ ވާހަކައަކީ ޒަމާނުއްސުރެ ދައްކާ ވާހަކައެކެވެ. މީގެ ކުރިން މި ފަދަ ވާހަކަތަކަކީ އާންމުންނަށް އިވޭ ތަންތަނުގައި ދައްކާ ވާހަކަތަކެއް ނޫނެވެ. މިފަދަ ވާހަކަތައް އާންމުކޮށް މީހުން ދައްކަން ޖެހިލުން ވަނީ އާއިލާ ބަދުނާމުވެ ލަދު ގަންނަ ޖެހޭ ހާލަތްތަކަށް ގޮސްދާނެތީއެވެ. ދިރިއުޅުމުގައި އެތައް ބައެއްގެ ގަނާ ކުރުމާ ކުރިމަތިލާން ޖެހޭތީއެވެ. ނުވަތަ އިންސާފެއް ނުލިބި އެ ވާހަކަތައް ދައްކައިގެން ކޮޅެއްގައި ނުޖެހި މުޅި އުމުރު އެ ވޭންތަކުގައި ހޭދަކުރަން ޖެހިދާނެތީއެވެ.
ނަމަވެސް ޒަމާން ބަދަލުވެއްޖެއެވެ. މިފަދަ އަނިޔާތަކުގެ ޝިކާރައަށް ވާ މީހުން އިންސާފު ހޯދަން ނުކުމެ އެ ވާހަކަތައް ހިއްސާ ކުރާތަން މަދުން ނަމަވެސް އަންނަނީ ފެންނަމުންނެވެ. އެގޮތުން ދާދި ފަހުން ވަނީ އުމުރުން 19 އަހަރުގެ އަންހެނަކަށް ފިރިހެނަކު ރަހީނުކޮށް އަނިޔާ ކުރި މައްސަލައެއް ތިލަ ވެފައެވެ. މި މައްސަލައިގައި އަނިޔާ ލިބިފައި ވަނީ އެއްމާބނޑު ދެބެއިންގެ ތެރެއިން ދޮށްޓަށް ހުރި މީހާއަށެވެ.
ގަދަކަމުން ގެންދިޔައީ ބިރު ދައްކައިގެން!
މި ހާދިސާގައި އަނިޔާ ލިބުނު 19 އަހަަރުގެ އަންހެން މީހާގެ އެއްމާބަނޑު ކޮއްކޮ "ދަ ޕްރެސް" އަށް މައުލޫމާތު ދެމުން ބުނީ، އޭނާގެ ދައްތަ ރައްޓެހިވެގެން އުޅުނު ފިރިހެން މީހާގެ ފަރާތުން ގެވެށި އަނިޔާ ލިބެމުން ދިޔަ ކަމަށާއި މިދިޔަ ބުރާސްފަތި ދުވަހުގެ ރޭ އޭނާގެ ދައްތަ ގަދަ ކަމުން މާލެއަށް ގެންދިޔަ ކަމަށެވެ. އެ އާއިލާ ދިރިއުޅެނީ ހުޅުމާލޭގައި ކަމަށާއި އެ ފިރިހެން މީހާ އޭނާގެ ދައްތަ ހޯދަން އިރުއޮއްސުނު އިރު އެގޭ ކައިރިއަށް ދިޔަ ކަަމަށާއި ދައްތަ އަންނަން ދެން މަޑުކޮށްގެން ހުރީ ކަމަށް ކޮއްކޮ ބުނެއެވެ. އަދި ރޭގަނޑު 10:30 ހާއިރު އަންހެން މީހާ ގެއަށް އައި ވަގުތު ލިފްޓް ތެރެއިން ދިމާކޮށް އަނިޔާ ކޮށްގެން އެތަނުން ގަދަކަމުން ގެންދިޔަ ކަމަށް އާއިލާއިން ބުނެއެވެ.
އެ ގެއިން އަންހެން މީހާ ގަދަކަމުން ގެންދިޔަ ވަގުތު ފޯނުން އޭނާގެ މަންމައަށް ގުޅިއެވެ. "މަންމާ، މާއިޝް ގަދަކަމުން މިއޮއް ގެންދަނީ" މިހެން ބުނި އަޑު އިވުނު ކަމަށާއި އަދި އެއަށް ފަހު ފޯނު ކެނޑުނީ ކަމަށް އާއިލާއިން ބުނެއެވެ. އެއަށް ފަހު އާއިލާއިން ވަނީ އެ ފިރިހެން މީހާގެ މަންމަ އަށް ގުޅައި އަންހެން މީހާ ގަދަކަމުން ގެންދިޔަ ކަމަށާއި އޭނާ އެގޭގައި ހުރިތޯ ސުވާލު ކޮށްފައެވެ. ނަމަވެސް ޖަވާބުގައި އަންހެން މީހާ އެގޭގައި ނެތް ކަމަށް ބުނިކަމަށް ކިޔައިދިނެވެ.
ދައްތަ އާ ހަވާލާދީ އޭނާގެ އެއްމާބަނޑު ކޮއްކޮ ބުނީ، މާލެއަށް ގެންދިޔައީ ބިރު ދައްކައިގެން ކަމަށެވެ. އަދި މާފަންނުގައި އެ ފިރިހެން މީހާ ދިރިއުޅޭ ގެއަށް އޭނާ ގެންދިޔަ އިރު އެގޭގައި އެ ފިރިހެން މީހާގެ 3 ރައްޓެހިންގެ އިތުރުން އެމީހާގެ މަންމަ އާއި މާމަ ތިބި ކަމަށް ވެސް އޭނާ ބުނެއެވެ.
އަނިޔާއެއް ނުކުރެއޭ ބުނާށޭ ބުނެ ފިރިހެން މީހާގެ މަންމަމެން ހަޅޭއްލެވި!
އަނިޔާ ކުރި އިރު ވެސް އެމީހުން އެތާ ތިބި ކަމަށް ބުނެއެވެ. އަދި އެ ގޭގެ ސިޑި މަތިން ފުރަތަމަ ފްލޯއިން ތިރިއަށް އެ އަންހެން މީހާ ކޮއްޕާ ވައްޓާލާފައިވާ ކަމަށް ވެސް އެ އާއިލާއިން ބުނެއެވެ. މީގެ އިތުރުން އިސްތަށިގަނޑުގައި ހިފާ އަނިޔާކޮށްފައިވާ އިރު އަތުގައި ވެސް ވަކި އަޅާފައި ހުރި ތަންތަނުގެ ނިޝާނާއި ބޮލުގައި ގުއްބެއްހެން ތަންގަނޑެއް ދުޅަވެފައި ހުރި ކަމަށް ވެސް އާއިލާއިން ބުނެއެވެ. މީގެ އިތުރުން ލޯމަތީގައި ދަތްވެސް އަޅާފައިވާ ކަމަށް އާއިލާއިން ބުނެއެވެ.
އެ އާއިލާއިން އަންހެން މީހާ ހޯދަން އެރޭ 11:30 ހާއިރު ދިޔައެވެ. އެ ތަނަށް ދިޔައީ އެ އަންހެންމީހާގެ އެއްމާބަނޑު ކޮއްކޮއެވެ. އޭރު އެގޭ ތިރީ ދޮރު ހުޅުވާފައި ހުރުމުން އޭނާ ސިޑިން އެރިއެވެ. އޭރުވެސް ހަޅޭއްލަވާ އަޑުފައްގަނޑު އިވޭ ކަމަށް އޭނާ ބުނެއެވެ.
އެގެއަށް ވަން އިރު ދައްތައާ ދިމާއަށް އެގޭ މަންމައާއި މާމަ "ބުނޭ އެ މާއިޝް އަނިޔާއެއް ނުކުރެޔޭ" މިހެން ކިޔައި އެމީހުން ދިޔައީ ދައްތައާ ދިމާއަށް ހަޅޭއް ލަވަމުން ކަަމަށް ކޮއްކޮ ބުނެއެވެ. އެ ގެއަށް ވަދެ އޭނާގެ ދައްތަ އެތަނުން ސަލާމަތް ކޮށްގެން ނުކުތް އިރު އެގޭތެރޭގައި ތިބި މީހުން ދިޔައީ އަނގަޔަށް އައިހާ ހުތުރު އެއްޗެއް އެ ދެބެއިންނާ ދިމާލަށް ކިޔަމުން ކަމަށްވެސް ބުންޏެވެ.
އެހެން އަންހެނަކު ރޭޕް ކުރާ ވީޑީއޯއެއް ފެނުނު މައްސަލައެއް ވެސް ރިޕޯޓް ކުރި!
އެ އަންހެން މީހާއަށް ގެވެށި އަނިޔާ ކުރާ މައްސަލަ ވަނީ މި އަހަރު ތެރޭ މީގެ ކުރިންވެސް ފުލުހުންނަށް ރިޕޯޓް ކޮށްފައި ކަމަށް އާއިލާއިން ބުނެއެވެ. އެ ފަހަރު މައްސަލަ ރިޕޯޓް ކުރި އިރު އެ ފިރިހެން މީހާގެ ފޯނުން އެހެން އަންހެނަކު ރޭޕް ކުރާ ވީޑިއޯއެއް ފެނުނު މައްސަލަ ވެސް ފުލުހުންނަށް ރިޕޯޓް ކުރި ކަމަށް އެ އާއިލާއިން ބުނެއެވެ. އެ ވީޑިއޯ އިން ފެންނަނީ އެ ފިރިހެން މީހާ އާއި އޭނާގެ ރައްޓެހިންތަކެއް އަންހެނަކު ރޭޕްކުރާ މަންޒަރު ކަމަށާއި އަދި އެ ވީޑިއޯގައި އަންހެން މީހާ ހޭނައްތާލަނީ ބޮލަށް ބިއްލޫރި ފުޅިއެއް ތަޅާލައިގެން ކަމަށް ދައްތައާ ހަވާލާދީ ކޮއްކޮ ބުނެއެވެ.
އެ މައްސަލައިގައި 3 ވަރަކަށް ފައިލް ރިޕޯޓް ކޮށްފައިވާނެ ކަމަށް އާއިލާއިން ބުނެއެވެ. ނަމަވެސް އެއްވެސް ކުރިއެރުމެއް ނުލިބޭ ކަމަށް އާއިލާއިން ބުނެއެވެ. ބަޔާން ނެގި ޕޮލިސް އޮފިސަރު ބުނެފައި ވަނީ އެ މައްސަލައިގައި ތުހުމަތު ކުރެވޭ މީހާއަކީ ކުރިންވެސް ޑްރަގްސް އަދި އެހެނިހެން ކުށުގެ ބޮޑެތި މައްސަލަތައް އޮތް މީހެއް ކަމަށެވެ.
އަނިޔާ ކުރާތީ ރުޅިވާން ވަރަށް މަސައްކަތް ކުރި!
ރައްޓެހި ވެގެން އުޅޭތާ 2 އަހަރު ވެފައިވާ އިރު 19 އަހަރުގެ އަންހެން މީހާއަށް އޭނާ އަބަދުވެސް އަނިޔާ ކުރެއެވެ. ކޮންމެ ފަހަރަކު އޭނާއާ ރުޅިވާން މަސައްކަތް ކުރާ އިރަށް އެއަށް ވުރެ ބޮޑުވަރު ކޮށްލާ ކަމަށް އޭނާ ބުނެއެވެ.
އެ ގޮތުން އެއް ދުވަހު ޖެހުނު މައްސަލައެއްގައި އެ ފިރިހެންމީހާއާ ވަކިވެގެން ދާން އަންހެން މީހާ މަސައްކަތް ކުރުމުން އެ ފިރިހެން މީހާ ވަނީ އެ އަންހެން މީހާ ލައިގެން ހުރި ހުރިހާ އަންނައުނެއް ބާލައި އޮރިޔާން ކޮށްފައި ކަމަށްވެސް ބުންޏެވެ. މިހެން ކަންތައް ކުރަނީ ބޭރަށް ނުކުމެގެން ދާން ނުކުރޭނެ ގޮތެއް ހެދުމަށް ކަމަށް ބެލެވޭ ކަމަށް އާއިލާއިން ބުނެއެވެ. އެގޮތުން އެއް ދުވަހު އެގޮތަށް އޮރިޔާން ކޮށް ސިޓިންރޫމަށް އޭނާ ހޫރާލި ކަމަށާއި އެ ވަގުތު އެތަނުގައި އެ ފިރިހެން މީހާގެ މާމަވެސް ހުރިކަމަށް އާއިލާއިން ބުނެއެވެ. މާމަ ބުނި ބަސް، ދައްތަ ކިޔައި ދިން ކަމަށާއި އެ ބަސްތައް އަދިވެސް ހަނދާން ހުންނަ ކަމަށް ކޮއްކޮ ބުނެއެވެ.
ފިރިހެން މީހާ އަނިޔާ ކުރިއަސް އަދި އެހެން އަންހެނުން ކައިރިއަށް ދިޔަޔަސް މަޑުން ހުރުމަށް މާމަ ބުނެފައިވާ ކަމަށާއި އަދި އެހެން ކަން ކޮށްފި ނަމަ އާހިރުގައި އެ ފިރިހެން މީހާ އޭނާގެ މިލްކަކަށް ވާނެ ކަމަށް ވެސް މާމަ ބުނެފައިވާ ކަމަށް ކޮއްކޮ ބުނެއެވެ.
އަނިޔާ ކުރި މީހާ ބަންދަށް 10 ދުވަސް! އަނިޔާ ލިބުނު މީހާ ޝޮކެއްގައި!
ފުލުހުން ބުނެފައި ވަނީ މި މައްސަލަ ރިޕޯޓް ކުރީ މިދިޔަ ބުރާސްފަތި ދުވަހުގެ ރޭ ދަންވަރު 12:30 ހާއިރު ކަމަށެވެ. އަދި މި މައްސަލައިގައި ތުހުމަތު ކުރެވޭ 19 އަހަރުގެ ފިރިހެން މީހާ ހައްޔަރުކޮށްފައިވާ ކަމަށް ވެސް ފުލުހުން ބުނެއެވެ.
ހައްޔަރު ކުރި މީހާގެ މައްޗަށް ތުހުމަތު ކުރެވެނީ ގެވެށި އަނިޔާ ކުރި މައްސަލަ ކަމަށް ފުލުހުން ބުނާއިރު މި މައްސަލައިގައި ގަދަ ކަމުން މީހަކު ރަހީނު ކުރި ކަމަށް ބުނާ ތުހުމަތު ކުރެވޭ ކަމަކަށް ފުލުހުން ނުބުނެއެވެ. މިހާރު ހައްޔަރު ކުރި މީހާގެ ބަންދަށް 10 ދުވަހުގެ މުއްދަތެއް ވަނީ ކޯޓުން ޖަހާފައެވެ. އަދި މި މައްސަލަ ދަނީ އިތުރަށް ތަހުގީގު ކުރަމުން ކަމަށް ފުލުހުން ބުނެއެވެ.
ގެވެށި އަނިޔާގެ ޝިކާރައަކަށް ވީ އަންހެން މީހާގެ ހާލަތަށް ބަލާއިރު، އޭނާ ހުރީ ޝޮކެއްގައެވެ. ސައިކޮލޮޖިކަލީ މީހާއަށް ނޭދެވޭ އަސަރުތަކެއް ކޮށްފައިވާ އިރު، މީހުންނާ ބައްދަލުކޮށް ގައިގޯޅި ވާކަށް އޭނާ މިހާރު ނޭދެއެވެ. ހާއްސަކޮށް ފިރިހެނުންނާ އޭނާ މިހާރު ވަރަށް ދުރު ކަމަށް އާއިލާއިން ބުނެއެވެ.
ގެވެށި އަނިޔާގެ ޝިކާރައަށް ވެފައިވާ އެ އާއިލާގެ މެންބަރުގެ ހާލާ މެދު އެންމެން ވެސް ތިބީ ހަމްދަރުދީ ވެފައެވެ. އުމުރުން 19 އަހަރުގައި ދިމާވި މި ހާދިސާތަކާއެކު އޭނާއަށް ކޮށްފައިވާ ނަފްސާނީ ގެއްލުންތަކަށް ޝިފާ ހޯދަން އެ އާއިލާއިން ބޭނުންވެއެވެ. ހަމައެއާއެކު އިންސާފް ހޯދުމަށް ކުރެވެން ހުރި ހުރިހާ މަސައްކަތެއް ކުރަން އެ އާއިލާ ތިބީ އަތުކުރި އޮޅާލައިގެންނެވެ.
އަނިޔާ ކުރުން ފަދަ މި ފަދަ މައްސަލަ ތަކަކީ ސީރިއަސް މައްސަލަތަކެވެ. މިފަދަ ކަންކަން ފެންނަ ނަމަ ނުވަތަ އަޑު އިވޭ ނަމަ ލަސް ނުކޮށް ކަމާ ގުޅޭ ފަރާތްތަކަށް ރިޕޯޓް ކުރުމަކީ އެފަދަ އަނިޔާތަކުން މީހުން ސަލާމަތް ކުރުމަށް ކުރެވިދާނެ ކަންކަމެވެ. ގެވެށި އަނިޔާ ލިބޭ އެތައް މައްސަލަތަކެއް ފެންމަތިވާއިރު، އެފަދަ މައްސަލަތަކުގައި އަނިޔާގެ ޝިކާރައަށް ވާ މީހުން މަރުވެފައި ވެސް އެބަހުއްޓެވެ.
ތި ދެކުދިން އަކީ ޓްވިންސް ދެކުދިން އެވެ. ތިދެކުދިން ދަންނަމެވެ. ބައްޕަގެ އާއިލާއަށް ގޮސް މަންމަ މިހާރު އެއްވެސް މީހަކަށް ނުވެއެވެ. މަންމައަށް ހިތައް އެރި އެއްޗެއް ގޮވަނީއެވެ. ގެއަށް ފިރިހެނުން ވައްދަނީއެވެ. މަންމައަށް ކުރަންޖެހޭ އިހްތިރާމް ނުކުރާނަމަ އަހުލާގަށް ބަދަލު ވީއެވެ.
އިންސާނާ ދުނިޔެއަށް އަންނަނީ ފިޠުރަތުގެ ސާފުކަންމަތީގައެވެ، އެއަށްފަހު އޭނާ މަޖޫސީއަކަށް ނުވަތަ ޔަހޫދީއަކަށް ހަދަނީ ހަމަ އޭނާގެ މައިންބަފައިންނެވެ. والله أعلم
ކޮންމެހެން ޖެހޭތަ ފިރިހެނުންނާ ގައި ގޯޅިވާން.
ސިޑިމަތިން ވައްޓާލިނަމަ ވަރަށް އަނިޔާވާނެ. ގައިމު އަހުރެން ދެކުނިން އެ މަންޖެ އެސޮރުފަހަތުން އެސޮރުގެ ގެއަށް ގޮސް ވަންނަނިކޮށް. އޭގެފަހުން މަންޖެ ނުކުމެ ގޭގެ ބޭރުގައި ހުރެގެން އެސޮރު ނެރޭށޭ ކިޔަންހުއްޓާ އެތަނަށް މަންޖެގެ ރައްޓެހި ގޭންގުއައީ. އޭރުވެސް ސިޑިން ވައްޓާލި މަންޖެހީނުވޭ ކަމެއްވީހެނެއްވެސް. މޫނުމަތީގައި ދަތްއެޅިނަމަވެސް ފެންނަންހުންނާނެތާ. މަށަށް މަންޖެ ގެއަށް ވަނުމަށްފަހު އަލުން ގެއިން ނުކުމެ އަޑުގަދަކުރަން ފެށުމުންވެސް ބެލުނު.
ފިރިހެނުން އަނިޔާވެރި ވާއިރު އެކަމަށް ހިއްވަރުދޭ އަންހެނުންތަކެއް ތިބޭނެ. އެފިރިހެނާއާއި ނަހަމަ ގުޅުން ބާއްވާ އަންހެނުން ވެސް އުޅޭނެ. ނަމުގަ މުސްލިމުން. ފޭސްބުކްގަ ސީރިޔާ ސަލާމަތްކޮށްފަ މުފްތީ މެންކުގެ ޕޯސްޓްތައް ޝެއަރ ކުރީމަ ނިމުނީ. ފަރުދާގެ ފުރަގަހުގަ މިކަހަލަ ނުބައި ކަންކަމަށް ހިއްވްރުދޭން ތިބޭނީ.
ތިބުނީ މާމަ އާއި މަންމަ ކަންތައްކުރޮގޮތުގެ ވާހަކަ. އެދެމީހުންގެ ގެ ރަހިމުން އައި މީހާ އެއަށްވުރެ ނުބައިވާނެތާ. "ދަރިން މަޖޫސީންނަށް ވެސް އަދި ޔަހޫދީންނަށްވެސް ހަދަނީ ހަމަ މައިންބަފައިންނޭ". ދަރިން މައިންބަފައިންގެ ކުރިމަތީގައި ފާޙިޝް ޢަމަލު ކުރަމުންދާއިރު މައިންބަފައިން އެކަން ސިއްރުކޮށް އެކަމަށް ހިތްވަރު ދޭތަންމިފެންނަނީ. ކޮންފަދަ ނުބައިކަމެއް. މިއާއިލާ އަންހެންދަރިންނަށް މިހެންދިމާވީމާވެސް ބުނާނީ ސިއްރުކުރަންބާ. އަސްތަޣުފިރުﷲ. ދަރިންނަކީ ﷲ ހަވަަލުކުރައްވާފައިވާ އަމާނާތެއް. މައިންބަފައިންނަށްލިބޭނެ އެންމެ ބޮޑު ނިޢުމަތަކީ މައިންބަފައިން މަރުވުމަށްފަހު އެމީހުންނަށް ދުޢާ ކުރާނެ ދަރިން ދުނިޔޭގައި ތިބުން. ދަރިންކުރާ ނުބައި ކަންތައްތަކުގެ ސަބަބުން އަބަދުގެ އަބަދަށް ފާފަލިބުމަކީ އެކަށީގެންވާކަމެއް. މީހުރިހާ އެންމެންވެސް ވިސްނަންޖެހޭ ކަމެއް. Ï
ހައްލަކީ ސޯޝަލް މީޑިއާއަށް ބޭޒާރު ކޮއްލާ ސިޔާސީ މީހަކު ޓެގް ކޮއްފައި
މި ކަހަލަ މައްސަލަ ތަކުގައި އަންހެން މީހާއާ ދިމާއަށް އިނގިލި ދިއްކުރާ މީހުން ވަރަށް ގިނަ ވާނެ، އަދި ގިނަ ވާނީ ވެސް އަންހެންުން. އަންހެނަކަށް އެފަދަ ގޮތެއް ހެދީމާ އެ އަންހެންމީހާ އާ މައްލަވަ ޖައްސާ އަންހެނުންނަކީ އަންހެނެއް ކަމަކަށް ގަބޫލެއް ނުކުރެވޭ. އެއީ އަންހެނުންނަށް ހުރި ހުތުރެއް. އެއީ 19 އަހަރުގައި ހެދުނު މިސްޓޭކެއް. ޕާޓޭއެއް ކަން މޫނުމަތީ ލިޔެފަ ބާ އޮންނަނީ އެމީހުން ފާހަގަ ކުރަން. ބޯދިގަސް ކުރަސް އެމީހުން ވަކި ވޭތަ؟ ހުސް ޕާޓޭން އޮންނާނީ ތިހެން ބުނަންޏާ. މާދަމާ މިހެން ވާނީ އަހަރެމެންގެ ދަރިއަކަށް ނޫނީ ކޮއްކޮއަކަށް ނޫނީ ދައްތަ ނޫނީ މަންމަ އަށް ކަމެއް ނޭނގޭ. ހުރިހާ އަންހެނުން ނުކުންނަންވީ މިފަދަ އަނިޔާވެރި ފިރިހެނުން އެކްޕޯސް ކުރަން. އަސްލު އެމީހާގެ ހުރިހާ ވަނަވަރެއްވެސް ޖަހާލަންވީ. އޭރުން ދޯ ތި މީހާއަށް ގައިކޮޅު ގައިގާ ދުރު ކިޔޭނީ ވެސް!
ޑެން ބުނާނެ ކީއްވެހޭ އެ ރިލޭޝަން ގަ ހުރީ. ޢެ ކަހަލަ ޓޮކްސިކް ރިލޭޝަންއެއް އުޅުނީމަ އިނގޭނީ ވާ ގޮތް. ޚުރާ އިހްުސާސް. މެންޓަލި މީހާ ފުންޑާލާފަ ހުންނާނީ ބިރު ދައްކައިގެން. ޞްލެކްމެއިލް ވެސް ކުރާނެ. މި ކަލަ ކޭސްތަކުގައި ވިކްޓިމް ކުށްވެރިކުރާ މީހުން މަދެއް ނޫން. ބުނާނެ އަނިޔާ ކުރާ ކަން އެނގިގެން ދުރަށް ނުދިޔައީ ކީއްވެހޭ. ދުރަށް ދާން އެންމެ ތަންކޮޅެއްވެސް ނުދައްކާނެ އެކަހަލަ މީހުން. ޢެ ފެމިލީ ވެސް ސިކް ކަމުން މިކަހަލަ މީހުން މި މުޖުތަމައުގަ އެ އުޅެނީ. ފުރަތަމަ ދުވަހު ވެސް ފިރިހެން މީހާގެ މަންމަ މެންނަށް ޜަނގަޅު އެކްޝަނެއް ނެގުނު ނަމަ ހުއްޓުނީސް. ޚޮންމެ ފަހަރަކު ވިކްޓިމް ގޯސް ކުރާކަށް ނުވާނެ. މާދަމާ މިހެން އަހަރެމެންގެ ދަރިއަކަށް ވެއްޖިއްޔާ ވެސް ވިކްޓިމް ބާ ގޯސް ވާނީ
ދެން ވެސް ގޭންގަކަށް ނިސްބަތްވާ ކުއްޖަކާ ރައްޓެހި ނުވާތި. ބޯ ދިގު ކޮށްފަ ޖީއެން ސައިކަލެއް ދުއްވަންޔާ އިތުރަށް ސަމާލު ވާތި. އެންސީގަ އުޅެނީ ހުސް ސައިކޯ ޕާޓޭ އިން ތާ
އެންސީއެއް ނޫން ކޮއްކޯ.
ކައިވެނި ނުކޮށް ތިއުޅެނީ ފުރަތަމަ... ހުރިހާ ކަމެއް ތިތިބީ ކޮއްގެން.. އަލަށްލިބޭނެ އެއްޗެއްނެތް.. ފެށުންވެސް ގޯސް..
ތިބުނަނީ ކައިވެނި ކޮއްގެން އުޅެންޏާ އަނިޔާ ނުކުރާނޭއޭތަ؟ ނަސީބެއްނު ދަރިޔަކު ނެއްކަން… ނަސީބެއްނު އެކަހަލަ މީހަކާ ކައިވެނި ނުކުރެވުނުކަން.. ބަލަ އެކަހަލަ މީހުން ޖައްސާލައިފި މީހަކާ ދުރައްދިޔުމަކީ ހާދަ އުނދަގޫ ކަމެކޭ ހާދަ ބިރެއް އެމަންޖެއައް ދައްކާފަ ހުންނާނޭ މަ ހުވާ އެމަންޖެގެ މައިން ބަފައިން މަރަންވެސް ބިރުދައްކާފަ ހުމްނާނެކަން..
ބިންގާ ގޯސް ވީމަ ދެން އަނިޔާ ހައްގު ވަނީތަ؟ ކޮންމެ ގޮތެއް ވިޔަސް އަނިޔާ ކުރާކަށް ނުޖެހޭނެ. އެ ކަހަލަ މީހުން ހައްޔަރުކޮށް އެމީހުންނަށް ފަރުވާ ދޭން ޖެހޭ. މާދަމާ ތިގޭ ކުއްޖަކު މި ބޮނޑި ބުއީމަ ބުނާނީ ބިންގަލޭތޯ؟
އެފިރިހެން މީހާގެ މައްޗަށް މީހަކު ރަހީނުކޮށްގެން ގަދަކަމުން ގެންދިޔުން މި މައްސަލާގަ ފުލުހުން ދަޢުވާ ނުކުރަންވީ ކީއްވެ، ފުލުހުން ވެސް ތަންކޮޅެއް ނިކަމެތި ފަގީރެއްގެ ކަމެއް ނަމަ ނުވިޔަސް، އޭގެ ތެރެއިން ދެންހިނގާފާނެ ކަންކަމާ މެދު ހީކޮށްފަވެސް މައްސަލައަކަށް ހަދާފަ ދަޢުވާ ކުރާނެ، އޭގަ އެކުލެވޭނެ ކުރިން ނޭނގި އޮތަސް އިންޓެލިޖެންސް ރިޕޯރޓް، މީ ހަމަ ކަންތައްކުރާ ގޮތަކީ
ޕޮލިހުން ވެސް ބައެއް ކޭސްތަކުގައި ވަރަށް ފަރުވާ ކުޑަ. ދެން ކޮންމެ ފަހަރަކު މައްސަލައެއް އައިމަ ނުކުމެ މުޒާހަރާ ކޮށް ނޫސްތަކަށް އިންޓަވިއު ދިިނީމަ ކަމެއް ވާ ކަމަށް ވަނީ. ޢެހެންނޫނީ އެމީހުންގެ ސުލޯ ކަންމަތީ…
މާމަމެން ބުނާނީ އަންހެން ކުދީން ވެސް އިސްލާމީ އަދަބުތަކުން ޒީނަތްތެރިވެގެން އުޅޭށޭ އެ ގޮތަށް ނޫޅެވެންޏާ އަންހެނުންނަށް ވަރަށް ނިކަމެތިކަން ލިބޭނޭ، މާމަމެން ޒަމާނުގާ މިހާރު މި އޮންނަ އިގިރޭސިންގެ ސަގާފަތެއް ނޯވޭ، މިހާރު އުޅުންތަކާ ގުޅުންތައް ހުންނަ ގޮތުން ތިބާވަތުގެ ކަންތައް ވަނީ ވެސް، އެއްވެސް ކުއްޖަކު އެކުއްޖެއްގެ އިއްޒަތާ އަބުރު ގެއްލޭ ހިސާބަށް ލޯބީގެ ނަން ދިރުވައިގެން ނުވާނެ.
މާމަ ތިބުނާ ޒަމާން އަޅުގަނޑުމެންނަށް ނޭނގެނީކީ ނޫން. ތި ބުނާ ޒަމާނަކީ ރުކަށް އަރާ ވަގަށް ގިފިލި ބަލާ ހެދި ޒަމާން. އަވައްޓެރިންގެ އަންބި ކައިރިއަށް ވަދެ ރޭޕް ކުރި ޒަމާން. އޭރުގަ ކަމެއް ނުވެޔޭ ބުނަނީ އޭރުގެ މިީހުން ކަންކަން ސިއްރު ކުރުމުން. ފިރިމީހާ މަހަށް ދާއިރު އަނބި މީހާ އެކަނި ހުންނަ އިރު އައިސް ބެހޭ އިރުވެސް އަލާލާނެ މީހެއް ނުވާ ޒަމާނެއްގެ ވާހަކަ ތި ދައްކަނީ. އިސްލާމީ ރިވެތި އަހްލާގަށް އުޅުނަސް އަނިޔާވެރިއަކު އނަިޔާ ކުރާނެ. އަނިޔާވެރިން އަނިޔާ ކުރަނީ އަހްލާގަށް ބަލާފައެއް ނޫން. އެއީ ސައިކޯ ބައެއް. އެހެންވެ އަނިޔާ ކުރަނީ. މޫނު ބުރުގާ އަލާފަ ހުއްޓަސް ރޭޕިސްޓުންނާއި އަނިޔާވެރިންގެ އަތްދަށުވާ މީހުން އެބަ ތިބި.