އިންޑިއާގައި ޓްރޭނިން ހަދަމުން ދިޔަ ސިފައިންގެ މީހަކު މަރުވެއްޖެއެވެ. މިކަން އެމްއެންޑީއެފުން ވަނީ ދާދި ދެންމެ ކަށަވަރުކޮށްދީފައެވެ.
މައުލޫމާތު ލިބެ ގޮތުން މަރުވެފައިވަނީ އއ. ހިމަންދޫ ރޯސް މީޑް، އުމުރުން 22 އަހަރުގެ ޕްރައިވެޓް މުހައްމަދު ސުލްތާން އިބްރާހިމްއެވެ.
އެމްއެންޑީއެފުން އިތުރަށް ބުނީ އޭނާ މަރުވީ އިންޑިއާގެ ނެޝަނަލް ޑީފެންސް އެކަޑަމީގައި ތަމްރީނެއް ހަދަމުން ދަނިކޮށް ކަމަށެވެ. މަރުވި ސަބަބު އެމްއެންޑީއެފުން އަދި ހާމަ ކޮށްފައި ނުވާއިރު އޭނާގެ ހަށިގަނޑު މާލެ ގެނައުމުގެ މަސައްކަތް ކުރަމުން ދާ ކަމަށް އެމްއެންޑީއެފުން ބުނެއެވެ.
ޓްރޭނިން ހަދަމުން ދަނިކޮށް މަރުވި ސުލްތާންގެ ވަނަވަރު ވަނަވަރު ފަހުން ހާމަ ކުރާނެ ކަމަށާއި، އޭނާގެ އާއިލާގެ ހިތާމައަށް އިހުތިރާމް ކުރުމުގެ ގޮތުން މިވަގުތު އިތުރު ތަފްސީލް ހާމަ ކުރެވެން ނެތް ކަމަށް އެމްއެންޑީއެފުން ވަނީ ބުނެފައެވެ.
އޭނާގެ ކުއްލި މަރާ ގުޅިގެން މޭޖާ ނެޖެރަް އަބްދުﷲ ޝަމާލް ވިދާޅުވީ، ސުލްތާން އަކީ ވަރަށް ވުރަކޮށް މަސައްކަތް ކުރާ ސިފައިންގެ މީހެއް ކަމަށާއި، މުސްތަގުބަލުގެ އޮފިސަރަކަށް ވުމުގެ ފުރުސަތު ބޮޑު އޮފިސާ ކެޑޭޓެއް ކަމަށެވެ.
