މާލޭގެ ނޫރު މިސްކިތުގެ ތަނބެއްގައި ބޮމެއް ގޮއްވާލާނެ ކަމަށް ލިޔެ އިންޒާރު ދީފިއެވެ.
އިންޒާރުދީ ލިޔެފައިވާ އެ ލިޔުމުގައި ވަނީ ރާއްޖޭގައި ގަދަ ވާނީ "ބަންގާޅީން" ކަމަށެވެ. އަދި އެމީހުން ބޭނުން ގޮތެއް ހަދާނެކަމަށް ވަނީ ބުނެފައެވެ.
އެގޮތުން ވަރަށް އަވަހަށް ބޮމެއް ގޮއްވާލާ "ދިވެހި ގައުމު ސުންނާފަތި" ކޮށްލާނެ ކަމަށް ވެސް އެ އިންޒާރުގައި ބުނެއެވެ.
އެ އިންޒާރު ލިޔެފައި ވަނީ ދިވެހި ބަހުންނެވެ.
އެކަމާ ގުޅިގެން "ދަ ޕްރެސް" އިން ފުލުހުންނަށް ގުޅުމުން ޖަވާބު ދީފައެއް ނުވެއެވެ.
ނަމަވެސް އެކަން އިތުރަށް ބަލަމުން އަންނަ ކަމަށް ފުލުހުން ބުނެފައިވާ ކަމަށް ބައެއް މީޑިއާތަކުން ވަނީ ރިޕޯޓު ކޮށްފައެވެ.
