އެކައުންޓުގެ ވެރިފަރާތަށް ނޭނގި އެހެން މީހެއްގެ އެކައުންޓަށް ގިނަ އަދަދެއްގެ ފައިސާ ޓްރާންސްފާ ކޮށްފައިވާ މައްސަލައެއްގައި މީހަކު ހޯދަން ފަށައިފިއެވެ.
ފުލުހުން ބުނީ އެމީހާ އެކައުންޓުގެ ވެރިފަރާތަށް ނޭނގި އެކައުންޓުން 180000 ރުފިޔާ އެހެން މީހެއްގެ އެކައުންޓަށް ޓްރާންސްފާ ކޮށްފައިވާފައިވާ ކަމަށެވެ.
އެ މައްސަލައާ ގުޅިގެން ފުލުހުން މިއަދު އާއްމުކުރި ވީޑިއޯއިން ފެންނަނީ ކަޅުކުލައިގެ ދިގު ހެދުމެއް އަދި ގަދަ ނޫކުލައިގެ ޝޯލްއެއް އަޅައިގެން ހުރި އަންހެނެކެވެ.
އެ ވީޑިއޯއިން ފެންނަ ގޮތުގައި އެއަންހެންމީހާ ހިނގާދައިވަނީ ރެސްޓޯރަންޓެއްގެ ތެރެއިންނެވެ.
އެމީހާ ބެހޭ އެއްވެސް މައުލޫމާތެއް ލިބިފައިވާނަމަ އިކޮނޮމިކް ކްރައިމް ޑިޕާޓްމަންޓްގެ ނަންބަރު 9790048 އަށް ގުޅާ އެމައުލޫމާތެއް ހިއްސާކުރުމަށް ފުލުހުން ވަނީ އެދިފައެވެ.
