މާލޭ ގެއަކަށް ފިރިހެނަކު ވަދެ މާރާމާރީ ހިންގައިފިއެވެ.
"ދަ ޕްރެސް" އަށް މައުލުމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ މާލެގެ ގެއަކަށް ފިރިހެނަކު ވަދެ މާރާމާރީ ހިންގި މައްސަލަ ފުލުހުންނަށް ރިޕޯޓުކޮށްފައިވަނީ ރޭ 08:14 ހާއިރު ކަމަށެވެ.
އެގޮތުން އެގެއަށް އެ ފިރިހެން މީހާ ވަދެ، ގޭގެ ތަކެއްޗަށް ވެސް ގެއްލުންދީފައިވާ ކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.
ފުލުހުންގެ މީޑިއާ އޮފިޝަލް އިތުރަށް ވިދާޅުވީ އެ މާރާމާރީގައި އެފިރިހެން މީހާ އަށާ އެގޭގައި ހުރި އަންހެންނަކަށް ކުދިކުދި އަނިޔާތަކެއް ވެފައިވާ ކަމަށެވެ.
އެ މައްސަލަ ތަހްގީގު ކުރަމުން ގެންދާކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.
އެ މައްސަލައިގައި އަދި މީހަކު ހައްޔަރު ކޮށްފައި ނުވާކަމަށް ފުލުހުންގެ މީޑިއާ އޮފިޝަލް ވިދާޅުވިއެވެ.
