ބަރަހަނާ ހާލުގައި މަގުމަތީގައި އޮތް ޒުވާން ފިރިހެން މީހާ އަނެއްކާވެސް ބަރަހަނާ ހާލުގައި މަގުމައްޗަށް ނިކުމެއްޖެއެވެ.
މިދިޔަ މަހުގެ ތެރޭގައި ލޯލާ ފިހާރަ ކައިރީ ޕޭމަންޓް މަތީގައި ބަރަހަނާ ހާލުގައި އޮތް މީހާ ފުލުހުންގެ ބެލުމުގެ ދަށަށް ގެންދިއުމަށްފަހު ދޫކޮށްލުމުން ބަރަހަނާ ހާލުގައި މަގުމައްޗަށް ނިކުމެފައިވަނީ މިއަދުއެވެ.
މިކަމާއި ގުޅިގެން ފުލުހުން ބުނީ މާލެ މަގުމަތީގައި ފިރިހެނަކު ބަރަހަނާ ހާލުގައި އުޅެމުންދާކަމުގެ މައުލޫމާތު މިއަދު ގާތްގަނޑަކަށް 11:01 ހާއިރު ލިބިގައިވާ ކަމަށެވެ.
އެ މައުލޫމާތު ލިބިގެން ފުލުހުން އެ ސަރަހައްދަށް ދިއުމުން އެ މީހާ ގެޔަށް ވަދެފައިވާ ކަމަށް ފުލުހުން ވަނީ ފާހަގަކޮށްފައެވެ.
މިކަމާ ގުޅިގެން ބަލަން ޖެހޭ ކަންކަން މިހާރު ބަލަމުން ދާކަމަށްވެސް ފުލުހުން ބުނެއެވެ.
