މޯލްޑިވްސް މަނިޓަރީ އޮތޯރިޓީ (އެމްއެމްއޭ) ކައިރީގައި އެކްސިޑެންޓެއް ހިނގާ، 2 މީހަކަށް އަނިޔާވެއްޖެއެވެ.
ފުލުހުން ބުނީ މިރޭ 09:15 ހާއިރު އެމްއެމްއޭ ކައިރިން 2 ސައިކަލެއް ޖެހި އެކްސިޑެންޓު ވެފައިވާ ކަމުގެ މައުލޫމާތު ލިބިފައިވާ ކަމަށެވެ.
އެ އެކްސިޑެންޓުގައި 2 ސައިކަލްގެ ތެރެއިން އެއް ސައިކަލް މަޑު ނުކޮށް ގޮސްފައިވާ ކަމަށް ފުލުހުން ވަނީ ބުނެފައެވެ.
ފުލުހުން ބުނީ އެކްސިޑެންޓުގައި 2 މީހަކަށް އަނިޔާވެފައިވާ ކަމުގެ މައުލޫމާތު ލިބިފައިވާ ކަމަށެވެ. އަދި އެ ދެ މީހުންނަށް އައިޖީއެމްއެޗުގައި ފަރުވާ ދެމުންދާ ކަމަށް ފުލުހުން ވަނީ ބުނެފައެވެ.
އެމައްސަލަ އާ ގުޅިގެން ބަލަން ޖެހޭ ކަންކަން ފުލުހުން ބަލަމުންދާ ކަމަށް ފުލުހުން ވަނީ ބުނެފައެވެ.
މަލޭގައި ހިނގަމުންދާ މިފަދަ އެކްސިޑެންޓްތަކުގައި މީގެ ކުރިން ވެސް މީހުންގެ ފުރާނަ ވަނީ ގޮސްފައެވެ. އަދި މާލޭގައި ނުރައްކާތެރި އެކްސިޑެންޓުތައް ދަނީ ހިނގަމުންނެވެ.
