އިސްލާމީ މަރުކަޒުގައި މިހާތަނަށް ކުރެވޭ އެންމެ ބޮޑު މަރާމާތުގެ މަސައްކަތް ކުރިއަށް ދާ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނީ އިސްލާމީ މަރުކަޒުގައި މިހާތަނަށް ކުރެވޭ އެންމެ ބޮޑު މަރާމާތުގެ މަސައްކަތް 2019 ވަނަ އަހަރުން ފެށިގެން ކުރަމުންދާ ކަމަށެވެ.
އެގޮތުން މަރުކަޒުގެ އެތެރޭގެ ބައެއް މަސައްކަތް މިހާރު ނިމިފައިވާ ކަމަށް މިނިސްޓްރީން ވަނީ ބުނެފައެވެ. އަދި މިސްކިތުގެ ބޭރުގެ ބައެއް މަސައްކަތް ކުރަމުންދާއިރު ގުއްބު އަދި މުންނާރުގެ ބޮޑެތި މަރާމާތުގެ މަސައްކަތްތަކެއް ކުރުމަށް މިހާރު ތައްޔާރުވެފައިވާ ކަމަށް އިސްލާމިކް މިނިސްޓްރީން ވަނީ ބުނެފައެވެ.
މިމަސައްކަތްތައް ކުރަމުންދަނީ ހަލީފާ ފައުންޑޭޝަން އާއި ހަވާލުކޮށްގެން ކަމަށް އިސްލާމިކް މިނިސްޓްރީން ވަނީ ބުނެފައެވެ.
މިނިސްޓްރީން ބުނީ މިސްކިތްތައް ބެލެހެއްޓުން 2019 ވަނަ އަހަރު ކައުންސިލްތަކާއި ހަވާލު ކުރެވިފައިވާ ކަމަށެވެ.
