ޗައިނާ ހާބާ އިންޖިނިއަރިން ކޮމްޕެނީ ނަމަކަށް ކިޔާ ކުންފުންޏަކުން ޕޮޒިޓިވްވި ކޭސްތަކުގެ ޖުމްލަ އަދަދު 52 އަށް އަރައިފިއެވެ.
މިހާރު ހެލްތް އެމްޖެންސީ އޮޕަރޭޝަން ސެންޓާ (އެޗްއީއޯސީ) ގައި ކުރިއަށްދާ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެޗްއީއޯސީގެ ތަރުޖަމާނު ޑރ. ފާތުމަތު ނަޒްލާ ރަފީގް ވިދާޅުވީ، އެއާޕޯޓުގައި މިހާރު ކުރަމުންދާ މަސައްކަތް ތަކެއްގެ ސަބް ކޮންޓްރެކްޓަރެއްގެ ގޮތުގައި މަސައްކަތް ކުރަމުންދާ ޗައިނާ ހާބާ އިންޖިނިއަރިން ކުންފުނިން މިހާތަނަށް ޖުމްލަ 52 މީހުން ޕޮޒިޓިވް ވެފައިވާ ކަމަށެވެ.
އެ ކުންފުނިން ފުރަތަމަ ޕޮޒިޓިވް ކޭސްތަކެއް ފެނިފައި ވަނީ މި މަހުގެ 5 ވަނަ ދުވަހުއެވެ. އެ ދުވަހު އެ ކުންފުނީގެ 45 މީހަކު ވަނީ ކޮވިޑަށް ޕޮޒިޓިވް ވެފައެވެ.
މި ކޭސްއާ ގުޅިގެން ޖުމްލަ 650 މީހުން ވަނީ ކަރަންޓީން ކުރެވިފައި ކަމަށް ޑރ. ނަޒްލާ ވިދާޅުވިއެވެ. އެއީ އެއް ކޮމްޕެނީގެ 425 ސްޓާފުންނާއި އަނެއް ކޮމްޕެނީގެ 225 ސްޓާފުން ކަމަށް ނަޒްލާ ވިދާލުވިއެވެ. ނަމަވެސް އެއީ ކޮން ދެ ކުންފުންޏެއް ކަމެއް އޭނާ ވިދާޅެއް ނުވެއެވެ.
