ރޭ މަރުވިފަހުން ހުޅުމާލެ ހޮސްޕިޓަލަށް ގެންދިޔަ 21 އަހަރުގެ މީހާ ކޮވިޑް-19 އަށް ޕޮޒިޓިވް ވެއްޖެއެވެ.
ހެލްތް އިމްޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނީ ރޭ ހުޅުމާލެ ހޮސްޕިޓަލަށް ގެންދިޔަ އިރުވެސް ނިޔާވެފައިވާ އަންހެން މީހާ ކޮވިޑަށް ޕޮޒިޓިވް ވެފައިވާ ކަމަށެވެ.
އެހެން ކަމުން މިއީ މަރުވި ފަހުންވެސް ކޮވިޑަށް ޕޮޒިޓިވްވި، ރާއްޖެއިން އެންމެ ހަގު މިހާއެވެ. ނަމަވެސް އެނާ މުވެފައި ވަނީ ކޮވިޑް މަރަކުން ކަމެއް އަދި އެޗްއީއޯސީން ހާމައެއް ނުކުރެއެވެ.
ފުލުހުން ބުނެފައި ވަނީ ރޭ 11:42 ހާއިރު ހުޅުމާލެ ހޮސްޕިޓަލަށް ގެންދިޔަ އަންހެނެއް، ގެންދިޔައިރު ވެސް މަރުވެފައިވާ މައްސަލައެއް ހުޅުމާލެ ހޮސްޕިޓަލުން ރިޕޯޓް ކޮށްފައިވާ ކަމަށެވެ.
ކޮވިޑް ފެތުރެމުންދާ މި ދުވަސްވަރު މަރުވާ ކޮންމެ މީހެއްގެ ވެސް ކޮވިޑް ޓެސްޓު ހެދުމަސް ވަނީ ނިންމާފައެވެ. މިފަދަ ހާދިސާއެއް ހިނގާފައި ވާއިރު، ވިލާ އެއާގެ ފްލައިމީގައި މަސައްކަތް ކުރާ ޒުވާން ޕައިލެޓެއް މަރުވެފައި އޮއްވާ ފެނިފައި ވަނީ މިދިޔަ މަހުގެ އެއްވަނަ ދުވަހުގެ ރޭ ދަންވަރުގެ ވަގުތެއްގައެވެ.
އޭނާވެސް ވަނީ ކޮވިޑަށް ޓެސްޓް ކޮށްފައެވެ. އަދި އޭނާގެ ނަތީޖާ ވަނީ ނެގެޓިވް ވެފައެވެ.
