ހިޖުރަވެރިން ގޮވައިގެން ދަތުރުކުރަމުން ދަނިކޮށް ތޫނިސްގެ ކަނޑުގެ ސަރަހައްދަށް ފެތިފައިވާ ބޯޓުން މަރުވި މީހުންގެ އަދަދު 54 އަށް އަރައިފިއެވެ.
ތޫނިސްގެ ކަނޑުގެ ސަރަހައްދަށ ފެތިފައިވާ މި ބޯޓަކީ އިޓަލީވިލާތުގެ އައްސޭރިފަށުގެ ސަރަހައްދަށް ދަތުރުކުރަމުންދިޔަ ބޯޓެއް ކަމަށް މައުލޫމާތު ލިބެއެވެ.
މި ބޯޓުން މީހުން ސަލާމަތް ކުރުމުގެ އޮޕަރޭޝަން މިހާރުވެސް ދަނީ ކުރިއަށެވެ.
ތޫނިސްއިން މައުލޫމާތު ދެއްވި ތަރުޖަމާނެއް ކަމަށްވާ މުރާދު އަލް-ތުރުކީ ވިދާޅުވީ، މަރުވި ހިޖުރަވެރިންގެ ތެރޭގައި ގިނައީ ސަބް-ސަހާރަން އެފްރިކާ ސަރަހައްދަށް ނިސްބަތްވާ މީހުން ކަމަށެވެ.
ތޫނިސްގެ އައްސޭރިފަށުގެ ސަރަހައްދަކީ ވިލާތަށް ހިޖުރަކުރަން ބޭނުންވެފައިވާ ރެފިއުޖީންނަށް ހާއްސަ މަންޒިލެކެވެ. މިއ ސަރަހައްދަކީ ވިލާތަށް ދަތުރު ފަށާ މަންޒިލެވެ.
ރެފިއުޖީންނާ ބެހޭ އދގެ އިދާރާއިން މައުލޫމާތު ދޭ ގޮތުގައި 2019 ވަނަ އަހަރުގެ ފުރަތަމަ 4 މަސް ދުވަހާ އަޅާ ބަލާއިރު މިއަހަރުގެ ފުރަތަމަ 4 މަސް ދުވަހުގެ ތެރޭގައި ތޫނިސްގެ އައްސޭރިފަށުން ވިލާތަށް ދަތުރުކުރަން މަސައްކަތްކުރި ހިޖުރަވެރި ރެފިއުޖީންގެ އަދަދު ވަނީ 150 ޕަސެންޓް އިތުރުވެފައެވެ.
