މާލޭގެ ކޮމާޝަލް ޕޯޓް ގުޅިފަޅަށް ބަދަލު ކުރުމުގު މަޝްރޫއަށް ވުރެ ފައިދާ ބޮޑީ ގުޅީފަޅުގައި ބޯހިޔާވެހިކަމުގެ މަޝްރޫއެއް ކުރިޔަށް ގެންދިޔުން ކަމަށް ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒު މިއަދު ކުރެއްވި ޓްވީޓެއްގައި ވިދާޅުވީ، ގުޅިފަޅުގައި ބޯހިޔާވަހިކަމުގެ ޓޯޓަލް ސޮލިއުޝަންގެ ގޮތުގައި "ވިލިމާލެ-2" މަޝްރޫއު ކުރީގެ ރައީސް އަބްދުﷲ ޔާމީންގެ ސަރުކާރުގައި އޮތީ ރަސްމީކޮށް އިފްތިތާހު ކޮށްފައި ކަމަށެވެ. އަދި އިސާހިތަކު ޖާގަ ފުރޭނެ ޕޯޓެއް ގުޅީފަޅުގައި ހެދުމަށްވުރެ ކުރީ ސަރުކާރުން ފައްޓާފައި އޮތް ވިޝަނަރީ ސޮލިއުޝަން ކުރިއަށް ގެންދިއުން ރައްޔިތުންނަށް މާ ފައިދާބޮޑު ކަމަށް އޭނާ ވިދާޅުވިއެވެ.
ކުރީ ސަރުކާރުން ވިލިމާލެ 2 މަޝްރޫއު އިފްތިތާހު ކުރަމުންް އިއުލާންކޮށްފައި ވަނީ އެ މަޝްރޫއުގެ ދަށުން ބޯހިޔާވެހިކަމުގެ މައްސަލަ އެއްކޮށް ހައްލުވާނެ ކަމަށެވެ. އަދި "ވިލިމާލެ-2" ގައި 315،000 އަށް ވުރެ ގިނަ މީހުންގެ އާބާދީއަށް ބޭނުންވާ ވަސީލަތްތަކާއެކު ދެވަނަ ޝަހަރު ތަރައްގީކޮށް މާލެއާ ގުޅާލާނެ ކަމަށް ރައީސް ޔާމީން ވަނީ ވައުދުވެވަޑައިގެންފައެވެ.
އޭރު ސަރުކާރުން ރާވާފައި ވަނީ ގުޅިފަޅުގައި ފްލެޓު އަޅައި މާލޭގެ ޕޯޓް ތިލަަފުއްޓަށް ބަދަލު ކުރުމަށެވެ. ނަމަވެސް އެކަން ބަދަލުކޮށް މި ސަރުކާރުގެ ކެބިނެޓުން ނިންމާފައިވާ ގޮތައް ގުޅިފަޅު މަޝްރޫއުގެ ބިން ހިއްކުމުގެ މަސައްކަތް ފަށާފައިވާއިރު، އޭގެ ސަބަބުން ތިމާވެއްޓަށް ލިބޭ ގެއްލުންތަކާ ބެހޭ މައްސަލައެއް ރައްޔިތުންގެ މަޖިލީހުން އަންނަނީ ބަލަމުންނެވެ.
މާލޭގެ ޕޯޓް ގުޅިފަޅަށް ބަދަލު ކުރުމަކީ މި ސަރުކާރުން މާލޭގެ ތޮއްޖެހުން ކުޑަ ކުރުމަށް ފެށި އެންމެ ބޮޑު މަޝްރޫއެވެ. އެގޮތުން ހަ މިލިއަން ކިއުބިކް މީޓަރުގެ ބިން ހިއްކަން ނެދަލެންޑްސްގެ ބޮސްކާލިސްއާ ހަވާލުކޮށްގެން އެ މަސައްކަތް ވަނީ ފަށައިފައެވެ.
ވަރަށް ރަނގަޅު ވާހަކަައެއް.