ކޮވިޑް-19ގެ މި ދަނޑިވަޅުގައި ރާއްޖެއިން ބޭރުގައި ތިބެގެން ޕާސްޕޯޓް އާކުރަން ބޭނުންވާ ފާރާތްތަކަށް އޮންލައިންކޮށް އެކަން ކުރެވޭނެ އިންތިޒާމް ހަމަޖައްސާފައިވާ ކަމަށް އި މިގްރޭޝަނުން ބުނެފިއެވެ.
އިމިގްރޭޝަނުން ބުނީ، ރާއްޖެއިން ބޭރުގައި ތިބި ފަރާތްތަކުގެ ތެރެއިން ޕާސްޕޯޓް އާކުރަން އެދޭ ފަރާތްތައް އެ ޕްލިކޭޝަން ފޯމް ހުށަހަޅާނީ އީމެއިލް މެދުވެރިކޮށް [email protected] އަށެވެ. އަދި މި އީމެއިލްއަށް އެޕްލިކޭޝަން ފޯމް ހުށަހެޅުމުން ފައިސާ ދައްކަންޖެހޭ ލިންކް އެ ފަރާތަކަށް އީމެއިލް މެދުވެރިކޮށް ފޮނުވާނެ ކަމަށް އިމިގްރޭޝަނުން ބުނެއެވެ.
ފައިސާ އޮންލައިންކޮށް ދެއްކޭނެ ގޮތަށް މިހާރު ހަމަޖެހިފައިވާއިރު، އީމެއިލުން ފޮނުވާ ލިންކް މެދުވެރިކޮށް ފައިސާ ދައްކާތާ 24 ގަޑިއިރު ތެރޭގައި ޕާސްޕޯޓް ނެގުމަށް ހަމަޖެހިފައިވާ ގޮތުގެ މައުލޫމާތު ހިއްސާކުރެވޭނެ ކަމަށް ވެސް އިމިގްރޭޝަނުން ބުނެއެވެ.
ކޮވީޑް-19 އާ ގުޅިގެން ލޮކްޑައުން ވުމުގެ ކުރީން ވެސް އިމިގްރޭޝަނުން ވަރަށް މުހިއްމު ފިޔަވަޅުތައް އަޅާފާވެއެވެ. އެއިދާރާއިން ފޯރުކޮށްދޭ ހިދުމަތްތަކުގެ ތެރެއިން އޮންލައިން ޕޯޓަލެއް މެދުވެރިކޮށް ޚިދުމަތް ފޯރުކޮށް ނުދެވޭ ހިދުމަތްތައް ވަނީ އީމެއިލް މެދުވެރިކޮށް ދޭން ފަށާފައެވެ. މި ގޮތުން ޑިޕެންޑެންޓް ވިސާ، ސްޓޫޑެންޓް ވިސާފަދަ ވިސާތަކަށް އެދި އީމެއިލް މެދުވެރިކޮށް އެދެވޭނެ އިންތިޒާމު ވަނީ ހަމަޖައްސާފައެވެ.
