ބައެއް ވަޒީރުން ޑައިރެކްޓް ކޮންޓެކްޓާ ގުޅިގެން އައިސޮލޭޝަންގައި އެބަތިބި ކަަމަށް ޓޫރިޒަމް އަލީ ވަހީދު ވިދާޅުވެއްޖެއެވެ. މިއީ ދައުލަތުގެ ވަޒީރުންތަކެއް އައިސޮލެޝަންގައި ތިބިކަން ހާމަ ކުރެއްވި ފުރަތަމަ ފަހަރެވެ.
އައިސޮލެޝަންގައި ވަޒިރުންތަކެއް ތިބިކަން އަލީ ވަހީދު ހާމަ ކުރެއްވި އިރު، އެއީ ކޮންކޮން ވަޒީރުންނެއް ކަމެއް ނުވަތަ ކިތައް ވަޒީރުންނެއް ކަމެއް އޭނާ ވިދާޅެއް ނުވެއެވެ.
"ދަ ޕްރެސް" އަށް އެނގިފައިވާ ގޮތުގައި، ބައެއް ވަޒީރުން އައިސޮލޭޝަންގައި ތިއްބަވާތާ މިއަދަށް 12 ދުވަސް ވެއްޖެއެވެ.
ބައެއް ވަޒީރުން އައިސޮލެޝަންގައި ތިއްބެވި އިރު، ބައެއް ވަޒީރުންނަކީ، ކޮވިޑާ ގުޅިގެން ކުރިއަށް ގެންދާ އެކިއެކި މަސައްކަތްތަކުގައި ވަރަށް "އެކްޓިވް" ކޮށް އުޅުއްވާ ވަޒީރުންނެވެ. ބައެއް ވަޒީރުން ފަތުރުވެރިންނާއި، ބިދެސީންނާ ގާތުން މަސައްކަތް ކުރައްވަމުން ގެންދަވާފައި ވެއެވެ. އެކިއެކި ކަރްނޓީން ފެސިލިޓީތަކަށް ޒިޔާރަތް ކުރެއްވުމާއި، ފެސިލިޓީތަކުގެ މަސައްކަތް ބައްލަވާ އިނިސްޕެކްޓް ކުރެއްވުމުގައިވެސް އުޅުއްވާފައިވެއެވެ.
މިފަދަ ބައެއް އިވެންޓްތަކުގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުވެސް ބައިވެރިވެވަޑައިގަންނަވާފައިވާ ކަން ފާހަގަ ކުރެވޭ އިރު، ސަރުކާރުގެ ގިނަ އޮފިޝަނުން ހިމެނި ވަޑައިގަންނަވާ ގޮތަށް މުލިއާގޭގައި ބާއްވަމުން ގެންދިޔަ ބައްދަލުވުމަކީވެސް ބައެއް ވަޒީރުން ބައިވެރިވްވަޑައިގެންނެވި ބައްދަލުވުންތަކެއްކަން ފާހަގަ ކުރެވެއެވެ. އެ ބައްދަލުވުންތަކުގައި ބައެއް ކުންފުނިތަކުގެ ވެރިންވެސް ބައިވެރިވެވަޑައިގަތެވެ.
ރާއްޖެއިން ކޮވިޑް-19 ފެނި ބަލި ފެތުރެން ފަށާފައި ވާއިރު ޕޮޒިޓިވް ވި މީހުންގެ ތެރޭގައި ސިފައިންނާއި، ބައެއް ކުންފުނިތަކުގެ މުވައްޒަފުން ހިމެނެއެވެ. އަދި ގިނަ އަދަދެއްގެ ބިދޭސީން ޕޮޒިޓިވް ވެފައި ވާއިރު އޭގެ ތެރޭގައި ޑެލިވަރީ ކުރާ މީހުންނާއި އެނޫންވެސް އެކި ދާއިރާތަކުގައި މަސައްކަތް ކުރާ މީހުން ހިމެނެއެވެ.
ވަޒީރުންގެ ތެރެއިން ބަޔަކު އައިސޮލޭޝަނުގައި ތިއްބެވި ނަމަވެސް ސަރުކާރުގެ އެއްވެސް އޮފިޝަލަކު އަދި ޕޮޒިޓިވް ވި ކަން އިއުލާން ކޮށްފައެއް ނުވެއެވެ.
މާލޭގއި ތިބި މީހުންނަށް ރަށަށް ދެވޭނީ ކޮން ދުވަހަކުންބާ؟ ނޫސްވެރިންވެސް ރައްޔިތުންނަށް ބޭނުންވާނެ ސުވާލު ކުރަން އިސްކަންދޭންވީނުންދޯ، ސަރުކާރުން ކުރާކަންތައް ފޮރުވުމުގެ ބަދަލުގައި.......
ރަށަށް ދާންބޭނުން... މިދިޔަ މިހުގެ 15 އިން ފެށިގެން މާލޭގައި ތާށިވެފައި މިހުންނަނީ...
ގައުމުގެ ބޮޑެތި މަގާމުތަކުގަ ތިބޭ މީހުން އަމިއްލަ ފައިދާ އާއި އަމިއްލަ ގާތްތިމާގެ މީހުން ޓެސްޓް ކޮށް ޓެސްޓް ކުރަން ގެންގުޅޭ ކިޓްތައް ހުސްކޮށްފި، އިތުރަށް ބަލި ޖެހިދާނެތީ އެ މީހުން ސަލާމަތް ކުރަން މިހާރު ދޮގު ހަދައިގެން ހަބަރުތައް އެ ފަތުރަނީ. ކުރިންވެސް ސަރުކާރުގެ ބޮޑުން ބޭނުން ބަޔަކު ރާއްޖެއިން ބޭރުން ގެނެސް ވަގުތުން ގެއަށް ފޮނުވައިގެން ޕާޓީ ބޭއްވީ، މިހާރު މި ފެންނަނީ އެ ޕާޓީގެ ތެރެއިން މާލެތެރެއަށް ފަތުރައިގެން އުޅޭ ކަންތައް. އާންމުންގެ އެތައް ބަޔަކު މި ޖެހެނީ އެހެން ބަޔެއްގެ އިހްމާލުން ހިގައިގެން އުޅޭ ކަމަކަށް ފަރުދީ ޒިންމާއޭ ކިޔައިގެން އެ މީހަކު ހުރި ތަނެއްގައި އާއިލާ މީހުންނާ ދުރުގަ ހުންނަން..... މި ކަހަލަ ސަރުކާރެއް ބޭނުމެއް ނޫން........!!!! މިހާރު މާލަސްވެއްޖެ ތެދު ހަދަން... އޮރިޔާންވަންދެން ހުރިނަމަ... ރައްޔިތުންނަށް އާއިލާމީހުން ކައިރިއަށް ދެވޭނެ ގޮތެއް ހަމަޖައްސައިދެއްވާ ޓެސްޓްކޮށފައި ވިޔަސް... ތި ގޮޑި ކޮޅުގަ ތިއްބަވަައި މީހުން އާއިލާ ކައިރީގަ އުޅެމުން އަޔަސް އެހެން މީހުންނަށްވެސް އެފުރުސަތު އޮންނަން ޖެހޭނެ...
ގައުމުގެ ބޮޑެތި މަގާމުތަކުގަ ތިބޭ މީހުން އަމިއްލަ ފައިދާ އާއި އަމިއްލަ ގާތްތިމާގެ މީހުން ޓެސްޓް ކޮށް ޓެސްޓް ކުރަން ގެންގުޅޭ ކިޓްތައް ހުސްކޮށްފި، އިތުރަށް ބަލި ޖެހިދާނެތީ އެ މީހުން ސަލާމަތް ކުރަން މިހާރު ދޮގު ހަދައިގެން ހަބަރުތައް އެ ފަތުރަނީ. ކުރިންވެސް ސަރުކާރުގެ ބޮޑުން ބޭނުން ބަޔަކު ރާއްޖެއިން ބޭރުން ގެނެސް ވަގުތުން ގެއަށް ފޮނުވައިގެން ޕާޓީ ބޭއްވީ، މިހާރު މި ފެންނަނީ އެ ޕާޓީގެ ތެރެއިން މާލެތެރެއަށް ފަތުރައިގެން އުޅޭ ކަންތައް. އާންމުންގެ އެތައް ބަޔަކު މި ޖެހެނީ އެހެން ބަޔެއްގެ އިހްމާލުން ހިގައިގެން އުޅޭ ކަމަކަށް ފަރުދީ ޒިންމާއޭ ކިޔައިގެން އެ މީހަކު ހުރި ތަނެއްގައި އާއިލާ މީހުންނާ ދުރުގަ ހުންނަން..... މި ކަހަލަ ސަރުކާރެއް ބޭނުމެއް ނޫން........!!!! މިހާރު މާލަސްވެއްޖެ ތެދު ހަދަން... އޮރިޔާންވަންދެން ހުރިނަމަ... ރައްޔިތުންނަށް އާއިލާމީހުން ކައިރިއަށް ދެވޭނެ ގޮތެއް ހަމަޖައްސައިދެއްވާ ޓެސްޓްކޮށްފައި ވިޔަސް... ތި ގޮޑި ކޮޅުގަ ތިއްބަވަައި މީހުން އާއިލާ ކައިރީގަ އުޅެމުން އަޔަސް އެހެން މީހުންނަށްވެސް އެފުރުސަތު އޮންނަން ޖެހޭނެ...