މާދަމާ ފަށާ މިއަހަރުގެ ރަމަޟާން މަހާއި ގުޅިގެން ރައީސް އިބްރާހީމް މުހައްމަދު ސޯލިހް މިރޭ ގައުމާ މުހާތަބުކުރައްވަން ނިންމަވައިފިއެވެ.
ރައީސް އޮފީހުން ބުނީ ރައީސް މިރޭ ގައުމާ މުހާތަބް ކުރައްވާނީ 7:00 މީޑިއާތައް މެދުވެރިކޮށް އޯޑިއޯގެ ޒަރިއްޔާއިން ކަމަށެވެ.
ރައީސް ސޯލިހް އެންމެ ފަހުން ގައުމާ މުހާތަބް ކުރައްވާފައި ވަމީ މިމަހުގެ 15 ވަނަ ދުވަހެވެ.
އޭގެ ކުރިން ރައްޔިތުންނާ މާލެ ސަރަހައްދު ލޮކްޑައުނަށް ގެނައި ކަން އިއުލާން ކުރައްވާ ވަނީ ވީޑިއޯ މެސެޖަކުން މުހާތަބު ކުރައްވާފައެވެ. އަދި ނިމިގެން ދިޔަ ސިފައިންގެ އަހަރީ ދުވަހުގެ ހިތާބު ރައީސް ދެއްވާފައި ވަނީވެސް އޯޑިއޯ މެސެޖަކުންނެވެ.
ރަމަޟާން މަހުގެ ފުަރަތަމަ ދުވަހަކީ މާދަމާ ކަމަށްވާއިރު، ކޮވިިޑް-19 ބަލިމަޑުކަން ރާއްޖެއަށް މި ވަނީ ފެތުރިފައެވެ. ކޮވިޑްގެ ސަބަބުން ރައްޔިތުންނަށް ކުރިމަތިވެފައިިވާ ދަތި އުނދަަގޫތަކަށް ސަރުކާރުގެ ފަރާތުން ހަމަޖައްސައިދެއްވާނެ ލުއުތަކާ ގުޅޭގޮތުން މިރޭގެ ހިތާބްގައި ރައީސް ވާހަކަ ދައްކަވާނެ ކަމަށް ބެލެވެއެވެ.
