ރާއްޖެއަށް ވެދާނެ ގޮތަކާމެދު ހިތައްއަރާ ލޮލުން ކަރުނަ އައުމަކީ ފިނޑި އަމަލެއް ނޫން ކަމަށް ރައީސް އިބްރާހީމް މުހައްމަދު ސޯލިހްގެ ކޮއްކޮ އައިމިނަތު ސޯލިހް ވިދާޅުވެއްޖެއެވެ.
އައިމިނަތު ސޯލިހް ކުރެއްވި ޓްވީޓެއްގައި ވިދާޅުވެފައި ވަނީ މުޅި ދުނިޔޭގައި އެއްބަޔަކު އަނެއް ބަޔަކަށް އެހީވެވެން ނެތް މިހާލަތުގައި މި ދިވެހިރާއްޖެއަށް ވެދާނެ ގޮތަކާމެދު ހިތްޕުޅަށް އަރާވަޑައިގަތީމައި، ލޯފުޅުން ކަރުނަ އައުމަކީ ފިނޑި އަމަލެއް ނޫން ކަމަށާއި އެއީ ދެއްކުންތެރި ކަމެއްވެސް ނޫން ކަމަށެވެ.
އައިމިނަތު ސޯލިހް މިހެން ވިދާޅުވެފައި ވަނީ މާލެއިން ކޮވިޑް-19ގެ ފުރަތަމަ މީހާ ފެނި މާލެ ލޮކްޑައުން ކުރުމާ ގުޅިގެން ގައުމާ މުހާތަބް ކުރައްވައި އިއްޔެ ރައީސް އވާހަހަފުޅު ދައްކަވަމުން ކީރިތި ކުރައްވާފައި ވާތީ އެކަމާ ބައެއް މީހުންގެ ފާޑުކިއުން އަމާޒުވެފައިވާ ދަނޑިވަޅެއްގައެވެ.
ރައީސް ވާހަހަފުޅު ދައްކަވަމުން ކީރިތި ކުރައްވާފައި ވަނީ މިހާތަނަށް އެއްވެސް ބޭހެއް އަދި ވެކްސިނެއް މި ބައްޔަށް (ކޮވިޑް-19) އަށް ހޯދިފައި ނެތް ވާހަކަ ވިދާޅުވަމުންނެވެ. އަދި މިފަދަ ދަނޑިވަޅެއްގައި އެކަކު އަނެކަކަށް އޯގާތެރުވުމާއި، އެކަވެރި ކަމާއެކު މުއާމަލަތް ކުރުމަށާއި، ކެތްތެރިކަން އިސްކުރައްވައި އިސްލާމްދީނުގެ މަތިވެރި އުސޫލުތަކުގެ ތެރެއިން އެކަކު އަނެކަކަށް އެހީތެރިވުމަށް ވަނީ ގޮވަލައްވާފައެވެ.
ސިއްހީ ހިދުމަތްތެރިން ދެއްވާ ލަފަޔާއި އިރުޝާދާއި އެއްގޮތައް އަމަލު ކުރުމަށާއި، ސާފު ތާހިރުކަމުގެ މިންގަނޑުތަކާ އެއްގޮތަށް އަމަލު ކުރުމަށް ރައީސް ވަނީ އިރުޝާދު ދެއްވާފައެވެ. އަދި މި ބަލިން ރައްޔިތުން ރައްކާތެރި ކުރުމުގައި އެއްވެސް ވަރުބަލިކަމެއް ނެތި އެންމެ ފުރަތަމަ ދުވަހުން ފެށިގެން ކުރީ ސަފުގައި މަސައްކަތް ކުރަމުން ގެންދާ ހުރިހާ ސިއްހީ ހިދުމަތްތެރިންނަށާއި، ހުރިހާ ފަރާތްތަކަށް ރައީސް ވަނީ ޝުކުރު އަދާކުރައްވާފައެވެ.
ރައީސައް ތިވަރުވެސް ވެއްޖެތާ ދެންތިމީހުން އުޅުމީ ބުޅާފިހިގަނޑާ ކުޅޭހެން ޓިސޫބޮނޑިޔާ ކުޅެން ކަމުގެ ނުރައްކާކަން ވިސްނުނީ މަދުވަޒީރަކައް
ރަގަޅު ވެރިއެއް ނަމަ މި ދަޑިވަޅުގައި ލޮލުން ކަރުނަ އައުން އެއީ ތަބީއީ ކަމެއް. ހަގީގަތުގަވެސް ރައީސް އަށް އަސަރުކޮށްފައި ވާކަން އިހްސާސަ ކުރެވުނު. ބައެއް މީހުންނަށް ރަނގަޅު އެއްކަމެއްވެސް ނޯންނާނެ.
ކޮއްޓަކައް ލާފައި ބަންދުކޮއްފައި ތިބީ އިންސާނުންގެ ސިފައިގައި ޖަނަވާރުންތަ އެމީހުންނާއި ދޭތެރޭ ނުވިސްނަނީ އެއީ އިންސާނުން ނުން ވިސްނަން ވެއްޖެ އެއްނޫން ޖަލެއްގައި ބަންދުވެ އޮތުމަކީ ހާދަ ބޮޑު ވޭނެކޭ އިބޫ
ދެން ޖަލުގަ ތިބި ގައިދީން ސަލާމަތް ކޮއްދިިިީފިއްޔާއި ހާދަ ރަގަގަޅޭ ދޯ އެމީސް މީހުން ހާދަ ހިތްދަތި ވާނެބާ މިދަނޑިވަޅުގައި އެމީހުންނާއި ދޭތެރޭ ރައީސުލް ޖުމްހޫރިއްޔާ އިބުރާހިމް ސޯލިހު ނުވިސްކީއްވެބާ އެއްވެސް ހަމައިންސާނުން އެމީސް މީހުންގެވެސް އޮންނަނީ ހިތެއްނޫންތަ ހެޔޮނުވާނެއްނުން ބޭނުން އެއްވެސް އްޗެއްކާކައްލިބެނި ކީނޫން ބަލިމީހުން ބަލި ހިތުގެ ބަލި ލޭމަތި ހަކުރުމަތި ކޮލޮޝްޓޯލްމަތި ކިޑުނީމައްސަލަ މިހުރހާކަމެއްހުރެފައި ބޭސްފަރުވާއެއްނުވޭ ޑޮކައް ނުދައްކާދޭ ނުވާނެ އެހެންހަދާކައް ދޯ