ހަލުވިކަމާއެކު ކޮވިޑް-19ގެ ކޭސްތައް އިތުރުވަމުންދާ އަވަށްޓެރި އިންޑިއާގެ އެންމެ ބޮޑު 2 ސިޓީގައި މާސްކު އެޅުން މަޖުބޫރު ކޮށްފިއެވެ.
މި އަމުރާއެކު، އިންޑިއާގެ ވެރިރަށް ނިއުދިއްލީއާއި ވިޔަފާރި މަރުކަޒީ ރަށް މުމްބާއީގައި ދިރިއުޅޭ ފަރާތްތަކުން ގެއިން ބޭރަށް ނިކުންނައިރު އަނގަޔާ ނޭފަތް ނިވާވާނެހެން މާސްކެއް އަޅަން މަޖުބޫރުވާނެއެވެ.
ދިއްލީގެ ޗީފް މިނިސްޓަރު އަރްވީންދް ކެޖްރިވާލް ކުރެއްވި ޓްވީޓްއެއްގައި ވިދާޅުވީ ފޭސް މާސްކު ބޭނުންކުރުމަކީ ކޮރޯނާވައިރަސް ފެތުރުން ކޮންޓްރޯލް ކުރުމަށް އެހީވެދޭނެ ކަމެއް ކަމަށާ، މީގެ ފަހުން ގެއިން ބޭރަށް ނިކުންއިރު ފޭސް މާސްކު ބޭނުންކުރުން ލާޒިމުވާނެ ކަމަށެވެ. އަދި ފޮތި މާސްކުވެސް ބޭނުން ކުރެވޭނެ ކަން ޗީފް މިނިސްޓަރު ވަނީ ފާހަގަކުރައްވާފައެވެ.
ފިލްމް ސިޓީ އަދި ވިޔަފާރި މަރުކަޒު މުމްބާއީގެ މަހާރާޝްތްރާ ސަރުކާރުން އާންމުކުރި ބަޔާނުގައި ބުނެފައިވަނީ ތިން ރޫ ނެގި ކޮންމެ މާސްކެއްވެސް ބޭނުންކުރެވޭނެ ކަމަށެވެ. އަދި މާސްކު އަޅަން ކޮށްފައިވާ އަމުރާ ޚިލާފަށް އުޅޭ ފަރާތްތަކާ ދެކޮޅަށް ފުލުހުން މެދުވެރިކޮށް ގާނޫނީ އިމުގެ ތެރެއިން ފިޔަވަޅު އަޅާނެ ކަމުގެ އިންޒާރުވެސް ވަނީ ދީފައެވެ.
މުމްބާއީގައި ދުނިޔޭގައި މިވަގުތު އޮތް އެންމެ ބޮޑު ފަގީރު އަވަށް އޮތް ސަރަހައްދަށްވާއިރު، މި ސަރަހައްދުންވެސް ކޮވިޑް-19 ވަނީ ފެނިފައެވެ.
އިންޑިއާގެ ހާލަތަށް ޖުމުލަ ގޮތެއްގައި ބަލާއިރު، އެގައުމުން ޕޮޒިޓިވްވި މީހުންގެ އަދަދު ވަނީ 5916 އަށް އަރާފައެވެ. އަދި މި ބަލީގައި އިންޑިއާއިން 178 މީހެއްގެ ފުރާނަ ވަނީ ގެއްލިފައެވެ.
ރާއްޖޭގަ ސްޓޮކް ނެތީމަ މުހިންމު ކަމެއްނޫން ގޮތުގަ ނިންމީ ލޮލް