ނަމާދުކުރަން ސަޖިދައިގައި އޮއްވާ އަނބުރައިގަނެ ހާލު ދެރަވި ފަޅުވެރިއަކަށް އެމްއެންޑީއެފުން އެހީތެރިކަން ފޯރުކޮށްދީފިއެވެ.
އެމްއެންޑީއެފުން ބުނީ، މ. ވޭވަށުގެ އިރުން 5 ނޯތްމޭލް ބޭރުން މަސްވެރިކަން ކުރަމުންދިޔަ "ހާސިލް 2" ނަމަކަށް ކިޔާ ދޯންޏެއްގައި ހުރި ފަޅުވެރިއަކު ކުއްލިއަކަށް ހާލު ބޮޑުވުމާ ގުޅިގެން އެމްއެންޑީއެފް ކޯސްޓް ގާޑު ސްކޮޑްރަންގެ ހާބާ ކްރާފްޓް ލޯންޗުގައި ގޮސް އެމީހާއަށް އެހީތެރިކަން ފޯރުކޮށްދީފި ކަމަށެވެ.
އެގޮތުން އެމީހާ ވަނީ މިއަދި ހަވިރު 4:38 ހާއިރު މ. މުލީއަށް ގެންގޮސްފައި ކަމަށް އެމްއެންޑީއެފުން ބުނެއެވެ.
ހާލު ބޮޑުވި ފަޅުވެރިއާއަކީ އުމުރުން 35 އަހަރުގެ ފިރިހެނެކެވެ. އަދި އޭނާ އަނބުރައިގެންފައި ވަނީ ނަމާދުކުރަން ހުރެފައި ސަޖިދައަށް ދިޔަ ވަގުތުގައި ކަމަށް އެމްއެންޑީއެފުން ބުނެއެވެ.
މަސްވެރިކަމަށް ނުކުމެ އުޅޭ ފަރާތްތަކަށް ދިމާވާ މިފަދަ ސިއްހީ ކަންކަމުގައި އެމްއެންޑީއެފުން އަބަދުވެސް އަންނަނީ އެހީތެރިކަން ފޯރުކޮށްދެމުންނެވެ. އެގޮތުން މަސްވެރިކަަން ކުރާ ފަރާތަތްކުގެ ތެރެއިން އެންދެމުަމށް ފީނާ ފަރާތްތައް ޑީކޯ ވެގެން އެމްއެންޑީއެފުން ވަނީ ފަރުވާ ހޯދުމަށް އެންމެ ކައިރިން ހޮސްޕިޓަލް ހުންނަ ރަށަކަށް ބަލިމީހާ ގެގޮސް ދީފައެވެ.
